Легендарниот бугарски фудбалер, по примерот на нашиот Горан Пандев и по примерот на Немања Видиќ, со години се обидува да промени нешто во раководењето со бугарскиот фудбал ама нема простор. Еве што кажува за бугарскиот сојуз. Бугарите од осми на светот на ранг листата на ФИФА на времето кога стигнаа дури до полуфинале на Светско, паднаа на самото дно со аматерски селекции.

Луис Суарез дебитираше за Интер Мајами во подготвителен меч против Салвадор кој заврши без голови. Славната четворка од Барса режираше акција која ќе беше топ тема, доколку Меси на крај реализираше. Нафрли Алба до Суарез кој со повратна топка го најде Бускетс. Следуваше маестрално двојно проигрување меѓу Бускетс и Меси.

Македонскиот центарфор, Бојан Миовски продолжува да стрела во дресот на Абердин, овој пат во рамките на шкотскиот Куп.

Атлетико и Реал одиграа спектакуларно осминафинале во Купот на Шпанија кое во регуларните 90 минути заврши 2:2. Гризман во 100-та и Рикелме во 119-та ги торпедираа Кралевите и ги елиминираа со 4:2. Францускиот напаѓач ја понижи цела одбрана, со се голманот.

ПСВ Ајндховен игра фантастична сезона во холандскиот фудбал. „Филипсовци“ се убедливо први на табела со неверојатен учинок 17-0-0. Немаат ниеден пораз во првенство а одлично играат и во Купот на Холандија каде синоќа со 3-1 го совладаа Твенте и се пласираа во четвртфинале. Една акција доловува во каква форма се сезонава.

Легендарниот шведски стратег пред неколку дена соопшти дека му пронашле тумор и дека не му престанува уште многу време. Во Шведска му дојде гостин од Италија кој му пушти видео кое го расплака.

Сè уште е генијалец кога е во прашање подготовката за неговиот следен противник и сè уште е неверојатно харизматичен лик. Но сега тој е осуден на споредни улоги.

Во последниот меч од 20. коло од Серија А, Јувентус со 3-0 го разби Сасуоло и ја продолжи неизвесната трка со Интер за првото место. Јуве носен од Душан Влаховиќ кој постигна два феноменални гола и еден на неговиот компањон Кјеза, ја забележа 15. победа во сезоната и има 49 бода, два помалку од лидерот Интер.

Фаворитот за злато на штотуку започнатиот Куп на Африкански нации, Сенегал успешно го отвори турнирот и со 3:0 ја совлада Гамбија. Два гола на мечот постигна новата ѕвезда на Африка, 20-годишниот Ламин Дијара од кој едниот беше прекрасен погодок. Дијара лани играл на Африкански Куп за играчи од домашните првенства и таму блеснал после што потпишал за француски Мец.

Меси не се појави на доделувањето на наградите на ФИФА, а ниту пак Халанд и Мбапе кои завршија во топ 3. Тиери Анри, кој е надарен за комичар, рече дека има две причини за да ја земе наградата на Меси. Прво затоа што никогаш не ја освоил и второ затоа што водителката навива за клуб кој не е навикнат на трофеи.

Американскиот милијардер Дан Фридкин и неговиот син Рајан Фридкин одлучиле да го отпуштат тренерот на Рома Жозе Мурињо поради очајните резултати на екипата сезонава. Ова е четврти отказ за Жозе кој беше отпуштан од Тотенхем (2021), Ман. Јунајтед (2018) и Челси (2015). Португалецот ги водеше Римјаните на 138 средби и забележа 68 победи, 30 нерешени и 40 порази.

Пеп Гвардиола го доби признанието за тренер на годината во изборот на ФИФА, а потоа остана на бината додека се читаше најдобриот тим за 2023-та. Во него беа избрани шест играчи на Манчестер Сити, што е најголем број после тројната круна на неговата Барселона во 2009-та. Анри му постави прашање на кое беше многу тешко да се одговори, а Пеп ги изнасмеа сите со првичната реакција.

Рома се огласи на официјалниот сајт со соопштение во кое наведува дека го отпушта трофејниот светски стручњак Жозе Мурињо кој има преслаби резултати сезонава а екипата практично и да не игра ништо.

На цвечената церемонија во Лондон, ФИФА ги додели наградите за најдобрите во изминатата година. Победи Меси кој заврши со ист број на бодови заедно со Халанд.

Гилјерме Мадруга од Ботафого ја освои наградата за гол на годината, која му ја додели ФИФА на церемонијата во Лондон. Тој се истакна со страшни ножички на мечот против Новоризонтино во втората бразилска лига и ги засени другите кандидати.

Дваесет и осум годишниот израелски центарфор Сагив Јехезкел кој игра за турскиот клуб Анталијаспор, постигнал гол против Трабзонспор за 1-1 во 68’ минута и му донел важен бод на својот клуб во неделата вечер. Но решил да го прослави така што покажал завој на рачниот зглоб со натпис „100 дена, 7/10“ што е конотација на израелските заложници кои 100 дена биле во заложништво по нападот на Хамас на 7 октомври годинава.

Има 37 години, а вреди злато да го имаш во напад. Игра трета сезона во Милан и во секоја од нив е со двоцифрен број на голови. Првенството е на средина, а тој веќе има 10 гола и 6 асистенции. Погледнете ја оваа интелигенција и елеганција против Рома, која Тео Ернандез ја разубави со топовски удар.

Со хет-трик на Бразилецот Винисиус и еден на неговиот сонародник Родриго, Реал Мадрид до врв ја наполни мрежата на вечниот ривал Барселона во финалето на шпанскиот Суперкуп. За Каталонците Левандовски стрелец на единствениот гол во 33’ минута.

Наполи се спаси буквално во последни секунди и со голот на Амир Рахмани во 90+6' минута од мечот со Салернитана победи и освои три бода. Претходно Антонио Кандрева со петти гол сезонава, а којзнае кој лудачки еврогол во кариерата со шут од далечина го изненади домаќинот во 29' минута од првиот дел.

На 32-годишниот белгиски репрезентативец кој паузриаше неколку месеци уште од август лани поради повреда, му требаа само 24 минути на жестокото гостување на „Сент Џејмс Парк“ во Њукасл со гол и асистенција да му донесе злато вредни три бода на Манчестер Сити.

Хајдук славеше 5:2 над МОЛ Фехервар во пријателски натпревар одигран во Умаг. Александар Трајковски влезе во второ полувреме и изненади со неодбранлив лоб од корнер, а Никола Серафимов беше стартер за гостинскиот тим.

Со хет-трик на сјајниот Полјак Аркадиуш Милик и еден на младиот бисер Кенан Јилдиз, Јувентус со 4-0 го декласираше Фрозиноне во Купот на Италија и се пласираше во полуфинале од ова натпреварување каде ќе ги чека Лацио. Бјанконерите, пазете ова, во една недела на три меча дале повеќе голови (12) отколку за два месеци претходно. Во ноември и декември постигнале 11 погодоци.

Барселона ја совлада Осасуна со 2:0 и закажа Ел Класико во финалето од шпанскиот Супер Куп. Мечот го решија Левандовски и 16 годишниот Ламин Јамал, кој постигна втор гол за Барса после деби погодокот во октомври.

Со талентот кој го имаше, стилот на игра и техничките способности, го споредуваа со Зинедин Зидан, но неговиот потенцијал не излезе целосно на површина. Кариерата ја мина во Франција, со исклучок на двете сезони во Милан со кој ја освои европската титула во 2007-ма. Гуркуф е автор на гол за Бордо против ПСЖ, прогласен за број 1 таа сезона од страна на навивачите. Не се гледа секој ден вакво нешто. Генијално.