Откако англиските медиуми кои се во Баку објавија видео на кое се гледа вербална расправија меѓу Бразилецот и Аргентинецот, се појави и ново на кое може да се види зошто Игуаин му бил бесен на Давид Луиз.

Во сабота вечер од 21 час во Мадрид ќе се игра големото финале на Лига на шампиони меѓу Ливерпул и Тотенхем. Играчите тренираат, тренерите смислуваат тактики, навивачите спремаат дресови и шалови.

Челси одржа скроз непосакуван тренинг на само 24 часа до единствениот меч кој може сезонава да им донесе трофеј.

Тензиите меѓу Ерменија и Азербејџан кои датираат од конфликтот во 1991-ва година се толку големи, што човек треба да внимава кога шета во Баку кој дрес на Арсенал ќе го облече. Финалето од ЛЕ е вечер. Џандариве се непотребно напнати.

Еден ден откако обезбеди пласман во Лига на шампиони со Интер, Лучано Спалети објави фотка на Инстаграм од својот плакар наменет за дресови.

Европската фудбалска јавност не престанува да плука по УЕФА поради одлуката финалето на Лига Европа да се игра во Баку, главниот град на Азербејџан. Што поради тешката достапност, што поради далечината, што поради ред други работи. Арсенал и Челси вратиле по 6.000 карти назад во УЕФА зошто немало интерес меѓу нивните навивачи да патуваат толку далеку сред работна недела. А карти враќале и спонзорите на УЕФА.

Објавувањето на списокот репрезентативци за следните натпревари е право шоу и празник во Бразил. Таму се собираат цели фамилии со играчите и чекаат да го слушнат нивното име на списокот. Во Бразил наскоро почнува врвната Копа Америка.

Да бидеме сериозни и да признаеме, а и Арсен да признае дека тоа не може да се случи, па макар Зидан реши да стои. Од хуманитарниот меч во Франција, бајаги сајтови го ребрачат легендарниот стратег на Арсенал дека имал некаков си обид за дриблинг против кралот за таа работа. 

Со историски: трето место, пласман во ЛШ и финале во Куп, клубот со најефикасен напад кој им пркосеше на гигантите во Серија А, има тројца играчи на сезоната според Опта. Сè знае за кого се работи, триото Ѕапата - Гомез - Иличиќ. Три има и Наполи, Јуве само двајца, а Интер, Рома и Лацио по еден.

Среќата која ја имал Даниеле Де Роси да го носи дресот на клубот од своето детство е толку голема, што вели дека никогаш до крај нема да може да се заблагодари. Посакувал само еднаш, но го облекол 616 пати. Ваква посебна поврзаност со клубот и навивачите скоро и да нема повеќе во модерниот фудбал.

Џек Грилиш е главна ѕвезда на Астон Вила поради фактот што таму е од детството и не замина дури ни кога испаднаа од лигата а тој доби богати понуди да замине во некој од англиските великани.

Детево е од Тајланд и жонглира на улица со тоалетна хартија за да собере пари за школување. Еден искоментирал дека е подобар од Ешли Јанг, вториот му вели: дојди во Бешикташ, а трет тврди дека има подобра контрола од Лукаку, Игуаин и Мората. 

Во игра на нерви, клубот од Бирмингем го совлада Дерби Каунти на Френк Лампард и после три сезони се враќа во елитното друштво, подвиг за кој ќе добијат огромна сума на пари.

11 години чекаа за трофеј, а по квалитет и реноме не се Гранада за да не може една деценија да се израдуваат на трофеј. По сите турбуленции, трофејот не можеше да биде посладок. Дојде токму на 100 годишнината од формирањето на клубот и тоа со гостински триумф над шампионот Барселона во Копа дел Реј.

Унион Берлин важи за еден од најсимпатичните клубови во Германија чии навивачи на времето собираа самоиницијативно пари за реконструкција на стадионот кој синоќа ја доживеа најголемата радост во клупската историја.

Во ситуација кога статистиката во Британија покажала страшни резултати за депресија меѓу мажите, принцот Хари ги собира големите фудбалски ѕвезди и отворено на БиБиСи раскажуваат за психолошките трауми низ кои поминале. Бараат од мажите да зборуваат за проблемите.

Стадионот Олимпико во Рим за сега е прв и единствен домаќин на дуелот меѓу двајцата најдобри во едно вакво финале. Помина една деценија, а како вчера да беше. Каков мега дуел беше тоа меѓу две страшни екипи предводени од Фергусон и Гвардиола кој тогаш ја почна ерата во Барселона.

Играл Вејн по секакви терени во Англија и се челичел по пабови, ама ваков старт од голман во кариера не доживеал. Мет Тарнер од Њу Ингланд доби директен црвен по овој старт, а Руни во 97-ма минута од пенал му донесе бод на неговиот Ди-Си Јунајтед (1:1).

Секоја чест за владетелот Јувентус, но оваа сезона аплаузите ги собра клубот од Бергамо кој има 23 борци кои направија дар мар во Италија. Дечките одиграа фантастично до крај и скроз заслужено обезбедија дебитантски пласман во елитата.

Фудбалскиот клуб Валенсија е основан во 1919 година, така што годинава слави 100-ти роденден. Фудбалерите и тренерот Марселињо спремија торта, а навивачите ставија јагодка на шлагот.

Паричната награда која што УЕФА ја доделува на секој победник на група во Лигата на нации, фудбалскиот сојуз на Грузија решил да го подели за три добротворни здруженија во земјата кои помагаат потешко заболени деца.

Фудбалот на Фарски Острови е аматерски, лигата полу-професионална. Играат келнери, монтери, доктори, точкари и водоинсталатери. Ама кога ќе видите кај играат, ќе им позавидите.

Навивач на Јувентус решава да ја снима својата домашна мачка за која некој второ или третолигаш би требало сериозно да размисли да ѝ понуди договор.

После мечот од 4-та холандска лига меѓу Харкемас Бојс и ХСВ Хоек може да кажеме дека сме виделе сè. Еден од стрелците на мечот беше и главниот судија кого топката го удри во лева нога и заврши во мрежата по хаос во шеснаесетникот. Мртов ладен го призна голот со кој Хоек намали на 3:2 и покажа кон центарот. На крајот мечот заврши 4:2.