Тахикардија е симптом кој претставува покачување на бројот на чукања на срцето (срцева фреквенција) над физиолошките граници. Синоќа на мечот Интер - Емполи тој симптон го имаа сите од прва до 99-та минута, а да не зборуваме за последните 15 минути.

Откако со солзи го испратија Франческо, навивачите на Рома синоќа се збогуваа и со неговиот наследник, најголемиот фајтер кој ја носел капитенската лента, Даниеле Де Роси.

На мечот Лавов - Олександрија во украинското фудбалско првенство, Бразилецот Педро на многу блесав начин исконтролира едно додавање.

Манчестер Јунајтед и Баерн Минхен организираа фудбалски спектакл по повод 20 години од јубилејното историско финале во ЛШ, ама со актерите од тогаш. На Јап Стам е полошо да му влезеш во дуел еден на еден сега на 46 години отколку тогаш. За 3 секунди, тројца ги легна на нозе.

Заврши сезоната и во италијанскиот фудбал. На Јувентус и Наполи во Лига на шампиони ќе им се придружат Интер и Аталанта, а од лигата испаѓа Емполи кој има исто бодови, но послаба гол разлика од Џенова на Пандев.

Затоа Ноер е Ноер. Не може секој голман да пробува работи кои не му се во доменот. Или може, ама ќе заврши како овој.

Кој знае колку е во облаци момаков за овој мајмунлук кој му го направи во фаца на иконата на Рома, ама на крај некако во вода му пропадна фората.

Нив уствари ова им е сезона за заборав бидејќи завршија на катастрофалната 14-та позиција со ужасен скор од 8 победи, 9 нерешени и 17 порази. Ни Европа, ни бутур, за опстанок се бореа. Арно ама на 4 кола до крај го одиграа мечот на сезоната со кој се спасија, а на противникот му ги расипаа шансите за титула.

Наполи во ерата на Де Лаурентис создаде силен состав кој му парира на Јуве, ама никако не успеа да му го грабне врвот. Но никој како Рома во однос на ова прашање. 12 пати заглавиле на втора позиција во 4 децении.

Поминаа 9 години од тој незаборавен 22 мај во Мадрид, кога Интер ја освои ЛШ во годината кога стигна до историската тројна круна. Незаборавен и за нас, бидејќи во тоа славно друштво е и Горан Пандев со македонското знаме на гради. Интер - Баерн 2:0 со двата гола на Милито.

Прво го помина еднаш, па потоа го уништи, па му дојде друг и веќе не е интересно да ви вршиме пренос. Ова се гледа на рипит.

Со прекрасен фудбал им пркосеа на богатите клубови, а тоа што го правеа и го прават навивачите на Ајнтрахт е запрепастувачки добро.

Налетавме на текст за Академија Пандев која 9 години по формирањето на академијата и 5 години откако има прв тим, успеа синоќа да го освои Купот на Македонија. Го објавил португалски сајт пред два месеци со помош на еден од дечките кои го работат macedonianfootball.com.

Кралската шпанска фудбалска федерација реши со голем гест да го испочитува ликот и делото на легендарниот Икер Касиљас којшто неодамна на тренинг во Порто доживеа срцев удар и веројатно ќе ја заврши кариерата.

Иако во изминатите децении Тотенхем беше надвор од првата топ четворка на англискиот фудбал, овој клуб важи за еден од најстарите на светот и за првиот англиски клуб кој освоил европски трофеј. Спарс имаат богата историја која годинава го достигнува врвот.

Сите од таму нафрлуваат, подаваат, размислуваат како да градат акција, овој не. Од крајот на светот ја даде и тоа во агол, кај што не се брани. Што лоб ќе беше ова?

Само пет години откако го формираа клубот, Академија Пандев успеаа да стигнат до пехарот во Купот на Македонија, што ќе остане запаметен како нивен прв историски успех. На Градски беше возбудливо. 2:2 во регуларниот дел и 4:2 на пенали. Го издвојуваме евроголот на брат му на Горан, Сашко Пандев кој воедно е капитен на тимот.

Полската Екстракласа секој втор викенд носеше по некоја добра зезалица или добар гол. Еве компилација од сите смешни инсерти во лигата која на крај за првпат во историјата ја освои Пјаст Гивице.

Една многу ретка и необична вест пристигна од Полска на која неочекувано реагираше дури и фудбалски клуб. Кај нас сличните вакви подвизи проаѓаат со сликање, паради, давање телевизор или парична помош од 500 евра, но во земја на ултраси друг е муабетот.

Кога сфаќаш дека понудата во оваа спортска среда се состои од натпревари на Пескара, Пиза, Минесота Јунајтед, Тун, Домжале, како и норвешки куп, седнуваш и наоѓаш ваква занимација.

Најголемо изненадување на сезоната се сметаше Ајакс, но од пред неколку дена малиот Кардиф Мет Универзитет од Велс од нигде никаде му го зема приматот на славниот клуб од Амстердам.

Ако на некој денеска му е тапа без фудбал, може да си ја направи средата спортска и да гледа финале во Купот на Македонија и тоа за 100че. Одиме со едно ретро токму поради тој повод.

Во Јуве, Рома, Милан и Киево ништо повеќе нема да биде исто од следната сезона. Дојде време да се разделат со нивни славни имиња кои со солзи се збогуваа и покрај тоа што имаат по уште еден меч. Важни моменти им се случија на Парма и Болоња.

Тензијата меѓу Азербејџан и Ерменија која трае неколку децении придонесе еден од најдобрите играчи на Арсенал и сигурно да го пропушти епското финале на Лига Европа против Челси.