Џани е хит во Лидс, почнаа и графити да му цртаат низ град

Прилепчанецот оваа сезона не само што држи добра форма, туку со својот забавен карактер си створи имиџ и стана еден од омилените ликови во тимот на Биелса. Штом и графити има од него, тогаш навистина е идол на многу навивачи без да кажеме ние.

Го нацртавме ова за единствената македонска машина, напиша Твитерџијата кој го направи графитот во чест на Езџан Алиоски познат под прекарот Џани.

Какво изненадување за македонското офанзивно крило. Вистинска реткост е навивачите да ти посветат вакво нешто кое пред сè треба да се заслужи.

Со оглед на неговите партии Џани го заслужи. Дел е од тимот на Лидс веќе трета сезона и до сега има 111 настапи и 18 голови. Покрај со добрите игри и залагањето на терен, тој ја плени публиката и со својот позитивен дух.