Шеесет и седма минута, играат Шалке и Ајнтрахт Франкфурт. Мијат Гачиновиќ од Ајнтрахт излетува во една контра, ама излетува како брз воз и голманот на Шалке Александер Нубел. И прави убиствен кунг-фу потег за кој добива директен црвен картон. Српскиот репрезентативец да слави втор роденден.

Пред неколку кола направи пар грешки кои го чинеа Јувентус против Сасуоло (2:2), но Буфон против Удинезе викендов го обели образот и покажа дека уште не е за старо железо како што мислевме.

На крајот од мечот Манчестер Јунајтед - Евертон (1:1) се случи необична епизода: во 89’ минута новиот тренер на гостите, Данкан Фергусон го извади од игра Моизе Кин и го стави Умар. Чудно е што 19-годишниот Кин го стави само 19 минути претходно место Бернар.

Ем што со два гола против Удинезе беше главен автор на победата на Јувентус, ем што во 80’ минута кога Гонзало Игуаин кој излезе од игра а беше капитен, Роналдо реши капитенската лента да не ја става на себе, туку му ја проследи на Матуиди, кој во тој момент беше играч со најдолг непрекинат престој во Јуве од сите на теренот.

Реал Мадрид синоќа успеа да се спаси од пораз на Местаља дури во 95-та минута. Пред голот се случи една мешаница од која профитираше Бензема, а за време на славјето највпечатлива беше прослава на 21 годишниот Федерико Валверде.

Имаа водство на непријатното гостување во Фиренца 84 минути и држеа два бода предност пред Јуве. Сè тоа падна во вода кога еден нов клинец ја прими на центар и одигра дрска соло акција, без пардон што покрај него трчаше Милан Шкриниар, а бранеше Хандановиќ.

Џенаро Гатузо со пораз ја стартуваше тренерската авантура во Наполи кој продолжува со резултатската криза. Им пресуди големиот талент од Парма, 19 годишниот Дејан Кулушевски кој има македонско потекло. Прво гол, а потоа асистенција до Жервињо и тоа во 93-та минута.

Баерн Минхен го потепа Вердер со 6:1. Се разбира дека Левандовски е стрелец, во случајов двоен, ама овој пат внимание заслужува Кутињо кој оствари хет-трик. Два од трите негови гола се доста јаки.

Нешто слабо го има со голови сезонава, ама кога ќе погоди тоа е голчиште. Втор гол на Енис Барди сезонава во шпанското првенство и повторно мајсторски, овој пат бомба за триумф на Леванте на гости против Гранада од 1:2.

Toa што е најлогично, разбирливо и за очекување, го направија со стил, ама и на (пред)време. Зошто да чекаат до 2022-ра, кога може уште сега да го осигураат на подолги стази. Така работи само голем и професионален клуб како Ливерпул.

Во тренинг базата на клубот кој го води, Химнасиа Ла Плата, дошле десетина деца да земат автограм од него. Во целиот тој џагор, Диего се изнервира и им свика на децата дека нема да добијат потпис ако урлаат „Диего, Диего!“

Пред осум години беа во Серија Б. На Јуве, Милан и Рома им продадоа шестмина важни првотимци, ама повторно останаа силни и храбри и одиграа со страст и пот. Затоа сега го добија заслуженото и плус направија финансиски бум.

17 годишниот Никола Секулов го дочека првиот гол во младинската Лига на шампиони каде Бјанконерите му пукнаа петарда на Баер Леверкузен. Македонецот кој за жал одлучи да заигра за Италија сам се избори за оваа соло акција.

Роден е на 5 март 1998 година во турското градче Карамурсел. Има 21, а веќе игра како да има безброј сезони во кариерата. Антиципација одлична, снажен во воздушни дуели, уште појак на земја, долг чекор, сигурен на топка и уште подобри долги топки. Има и од кого да учи, а Јуве е среќен што го најде наследникот на Џорџоне.

Играч на Стандард синоќа против Арсенал беше свесен дека нема да стигне една долга топка, па ја прибра со раце ко на рагби. Топџиите креваа раце во стил што прави човеков, а овој изгледа мислеше дека игра со другарите кај Гуц. Е добро де, да не губиме време.

Неисцрпни се видеата кои излегуваат од прославата на Аталанта која е во транс. Па кое друго мало клупче кое доаѓа од град со 120.000 жители уште во деби сезоната успеало да влезе во осминафиналето на ЛШ. Погледнете го и Гасперини како откачил. Овој пат имаме снимка од соблекувална.

Гладбах испадна од ЛЕ со гол примен во 90+1' минута од Башакшехир кој направи голем подвиг. АЗ се држеше полувреме на „Трафорд“ а во второ Јунајтед им даде 4. Пресликан дуел и во Вулверхемптон.

И покрај тоа што губеа дури со 2:0 во 69' минута и беа на прагот да испаднат од Лига Европа, фудбалерите на Арсенал во неколку секунди постигнаа 2 гола и се спасија од бламажа.

Свири химната на Лига на шампиони, сите мирно стојат, само не се знае кој е поголемо дете, дали оние кои стојат покрај играчите или капитенот на Јувентус.

Со учинок од 3 нерешени, 3 порази и 12 примени гола, во конкуренција на ПСЖ, Реал Мадрид и Галатасарај, белгискиот шампион заврши трет и ќе продолжи на пролет во Лига Европа.

Која е поентата на ВАР ако за ова нема црвен картон, искоментира поранешниот фудбалер на Манчестер Јунајтед, Овен Харгривс во улога на фудбалски аналитичар на британска тв. И во право е, за ваков намерен фаул секогаш се дава црвен.

Со головите на Кристијано Роналдо и Гонзало Игуаин, Јувентус го совлада Баер во Леверкузен и сега ја чека ждрепката за противникот во осминафиналето. А на крајот од мечот, еден натрапник сакаше да направи селфи со Португалецот, кој обично е пристоен со тие што упаѓаат, ама овојпат со право не беше.

Сене Ламенс е херој на колото во младинската Лига на шампиони. Неговиот клуб губеше 1-2 од Реал Мадрид У19, за Ламенс во 90+5’ минута да даде прекрасен гол со глава и да обезбеди бод. Младинците на Клуб Бриж имаат 10 бода и како втори во групата одат понатаму.

ПСЖ ја затвори групната фаза со тоа што го нокаутираше турски Галатасарај со 5:0. На петтиот гол му претходеше интересен момент, многу поинаков од оној каков што имаа Кавани и Нејмар пред некое време.