На Герет Бејл дефинитивно му дише главата. Колку и да е гневен кон некој или нешто во клубот за што прашање е и дали има право, ако е вистински професионалец ќе го одработи договорот до крај како што е редот, а не да се однесува како Балотели да му е брат.

Реал и Барселона се израмнија по вкупниот број на освоени трофеи во клупската историја. Верувале или не, со сите пехари кренати низ историјата во разно-разни натпреварувања, и „меренгес“ и „блауграна“ имаат идентичен број на трофеи.

Абе фино што ти легна, ама немој толку јако, топката ја дупна, а пречката не може да ја состават. Плус и коментаторот ќе прегореше.

Овој човек не знае по еднаш да ги освојува трофеите. Само три цели сезони е тренер на Реал Мадрид, инаку негов прв клуб во кариерата, а веќе сите ги дуплираше. За ЛШ пак да не правиме муабет. Пази ова: Во просек на секои 19 меча им носи по еден трофеј.

Во вечерта кога кралскиот клуб ја освои 34. шампионска титула, македонскиот репрезентативец постигна два гола и беше главен творец на триумфот на Леванте на гостувањето кај Селта Виго со 2:3. Барди го одигра 100. меч во Ла Лига и стана најдобриот странски стрелец во клупската историја со 18 гола.

Најсилен е, најкорпулентен и има 102 кила. Едноставно не личи на фудбалер, а уште помалце на напаѓач со таа негова билдерска конституција. Не може да се дорадува што за прв пат на 38 години ќе заигра во Чемпионшип со Викомб.

Збигњев Јаник им даде мотив повеќе на локалците од неговото место да дебатираат за фудбал, откако овој фудбалер на Блиск Кужнишко од 7-ма полска лига постигна голчиште против Полонија Тржебница.

Нов соиграч на нашиот Елиф Елмас би можел да стане еден млад Нигериец кој ги пореметува противничките голмани и кој има страшна животна приказна иако има само 21 година.

Италија добива нов класичен шпиц - сидраш. Федерико Бонацоли е 9-ка на Сампдорија. Има 23 години (роден 1997). Пред фудбалот да прекине поради пандемијата даде само 2 гола во Серија А, а сега по рестартот постигна 4 гола (3 во 3 дена) од кои 2 се прераскажуваат.

Една од екипите која фати одличен ритам после паузата е Милан кој е во одлична серија од 5 победи и 2 нерешени. Синоќа ја совладаа Парма со пресврт и триумф од 3:1. Голот на колото во Серија А го има Франк Кеси.

Адама Траое по којзнае кој пат го изора теренот, направи невиден слалом, а акцијата ја доврши Раул Хименез со школски волеј. Тоа беше 17-ти гол за Мексиканецот сезонава а има и 6 асистенции. Кој од кој поубав гол му беше лани и годинава.

Клубот Бодо Глимт има неверојатен, незапаметен старт во најдобрата норвешка лига. На 8 меча имаат 8 победи со гол разлика 32:8. Ако вака продолжат може да стигнат до историска титула. Синоќа со 2-1 го совладаа Кристианштуд, а победничкиот гол беше страва.

Едниот играше во Интер, другиот во Милан, а синоќа се појавија на терен како тренери на Болоња и Наполи 1:1 и во еден момент седнаа на иста клупа. Ете тоа е фудбалот кој го сакаме. Џентлмени.

Некои контри 2 на 1 со голман, знаат да завршат како што никој не би очекувал, како оваа во МЛС. Ова требаше да биде лесен гол, ама скроз го промаши додавањето по кое како да ви кажеме.

Во репрезентацијата на Португалија може да најдете фудбалери со разни етнички корени. Предците на многу од нив биле дојденци од Африка кои бегале од сиромашни земји во многу побогатата Португалија. Токму таков им донесе злато во 2016-та.

Снимен е во неделата сабајле на некој концерт. Значи од сабајле не може да стои на нозе. Се ќупосал од пиење.

Аталанта – Удинезе 7:1, Торино – Аталанта 0:7, Лече – Аталанта 2:7, Аталанта – Парма 5:0, Аталанта – Милан 5:0 и бидејќи малку им беа овие резултати синоќа Аталанта - Бреша 6:2. Хет-трик на Пашалиќ и по еден на Де Рон, Ѕапата и Малиновски. Го издвојуваме тој на Украинецот кој ладнокрвно им ја здува од 25 метри.

УЕФА во февруари годинава реши да го исклучи Манчестер Сити од еврокуповите на две сезони поради кршење на финансискиот фер плеј, но Меѓународниот суд за спортска арбитража во Лозана ја поништи суспензијата.

Во седиштето на УЕФА во петокот беа извлечени паровите од нокаут фазата за ЛШ кои продолжуваат со играње следниот месец. Во полуфинале е можен дуел меѓу Јувентус и Реал Мадрид.

Во тоа време Диего важел за најпопуларниот човек на цела планета Земја, па американските компани, поддржани од власта, сакале да го направат Американец преку ноќ со 100 милиони долари. Диегито само одмавнал со рацете. No gracias.

Драги соборци кладилничари, ова е вест која сигурно ќе ве насмее и ќе ви биде драга. Тимот кој неизбежно сте и сме го гледале додека го листаме билтенот, после 133 години ќе биде дел од елитната англиска втора лига Чемпионшип. Таму ги носи култниот Адебајо Акинфенва.

ЛА Галакси изгуби дома со 1-2 од Портланд во првото коло од рестартот на МЛС, а еден од виновниците за поразот е Хавиер Чичарито Ернандез, мексиканскиот шпиц кој долги години играше во Европа. Чичарито постигна гол во 88' минута ама претходно во 12-та минута утна пенал и уште еден неверојатен зицер.

Со триумфот над Гранада на гости со 1:2, Зинедин Зидан стигна до рекордни 9 победи во низа за прв пат во тренерската кариера. Ако во четврток го совлада Виљареал, Реал Мадрид ќе ја освои титулата во претпоследно коло. Херој на сезоната им е без конкуренција, Серхио Рамос.

Момците на Антонио Конте синоќа го совладаа Торино со 3:1 и се израмнија по број на бодови со Лацио. Еден од стрелците беше Годин, благодарние на една многу умно изработена акција на Санчез, Брозовиќ и Јанг. Ептен фудбалски изработено.