Суперлигата рикна за два дена, а Бетон Суперлигата гази напред и сите сакаат да и се приклучат. Флорентино, Андреа, Роман...вие ќе почекате, предност имаат помалите. И по емисии почнаа да ја зборат.
Ова што го прави најдобриот македонски фудбалер од коло во коло во Италија скоро 18 години е стварно неверојатно. Нема клуб за кој не се изнадава голови уште кога првпат стапна во Серија А. Го сакаат и почитуваат безусловно сите навивачи.
Голем дел од претседателите на европските гиганти се „мала маца“ за некогашниот сопственик на Милан кој жареше и палеше ширум Европа. Кога тој смислувал идеја како да се офајди од УЕФА, другиве уште започнувале скромни бизниси.
Една од главните мети на новинарите на Скај по синоќешното 32 коло во Серија А беше Горан Пандев, а додека траеше разговорот со него во живо, го вклучија и Антонио Конте со кој си направија убав муабет.
Редно време е некој да му каже на Роналдо дека така не се стои на жив ѕид или па подобро нека не стои. Со Порто и сврте грб на топката, ги рашири нозете и примија гол, а вечерва е виновник што Парма поведе. Погледнете му ја реакцијата. Не те јаде бе Кики, топка е.
Првата инстантно брза честитка за јубијелот на Гранде Горан во Серија А пристигна од неговиот репрезентативен другар, ученик, а можеби и наследник. Елиф Елмас постираше фотографија од Пандев облечен во дресовите со кои изгази во Италија.
Името на капитенот на Македонија ќе остане запишано со златни букви во Италија. Историјата е испишана, Горан Пандев влезе во клубот 100, а воедно е и најдобар екс ју стрелец во италијанската лига. Секоја чест мајсторе.
Во изданието на Панини за ова Европско, нешто фали, а нешто е вишок. Она што недостасува се селекторите кои порано ги имаше. Она што е вишок, го знаете. Најдовме решение, со сликица која е мал подарок од нас.
Зарем би имало драж секоја година да ги гледаме едните исти? Ако Лестер е прв во лига, ќе си игра во ЛШ, му се допаѓало тоа на некој или не. Или па Ајакс, Лион и Порто на некој не му биле доволно атрактивни. Плус кај се видело фудбал без вакви посебни ноќи кои остануваат во аналите? Нема цена ова.
Сопственикот на Фенвеј спорт групата, милионерот од САД, Џон Хенри кој е газда и на Ливерпул, во видео порака им се извини на навивачите и на Клоп за глупоста која што ја направила управата.
Манчестер Јунајтед, Ливерпул, Челси, Арсенал, Манчестер Сити, Тотенхем, Барселона, Реал Мадрид, Атлетико Мадрид, Интер, Милан и Јувентус “се изнаиграа“ фудбал во лигата која ја стопираа 48 часа по формирањето. Победи традицијата. Барем за сега.
Паралелно со Суперлигата, се крчка нешто јако, кое стана и официјално. Пет балкански екипи и го зададоа првиот удар на елитната Суперлига и создадоа своја, Бетон Суперлига. Таму нема да има пари, туку прав фудбал кој се состои од дружење, поврзување, забава, хуманитарна работа...
„Серија А ја следам од деновите на Саки, а мојата максима е една. Не треба Италија да ме повика мене, јас ќе ја повикам со силата на резултатите. Не можам да го сварам тоа кога ќе забележам дека Пандев, Несторовски, Елмас, кај вас добиваат мала минутажа. Кај мене ќе имаат вечна доверба“.
Од вчера до денес немаше ниту еден позитивен коментар во врска со формирањето на Суперлигата, туку само критики, критики и само критики од сите страни. Оваа критика е многу реална и со факт ја уништува приватната фудбалска забава на елитата.
Во згуснатиот викенд на спортски настапи и стотици голови, нешто сме пропуштиле од наш човек, а не оди да го пропуштиме. Повремениот македонски репрезентативец Стефан Ашковски кој игра за Ботошани на дуелот против Стеауа се претвори во Мбапе.
Во неделата доцна вечер 12 европски клубови објавија дека ќе основаат Суперлига. На тој список ги нема Баерн Минхен и Борусија Дортмунд. Тие решија да останат верни на УЕФА и правилата.
Суперлигата е топ тема на денот по која има безброј реакции, но и доста заебанции. Во Лондон можат да бидат мирни, бидејќи УЕФА ништо не им може. Барем на овие две екипи.
Големите клубови кои ја поддржаа идејата за своевидна приватна Суперлига, друштво на елита, најбогатиот крем на фудбалот, не ни претпоставуваа каков ќе биде одговорот на јавноста, на УЕФА, па и на државните влади и министерства.
„Сиромашните го создадоа, богатите го украдоа“, вели паролата која го отсликува денешниот фудбал во канџите на милијардерите и профитерите, како и создавањето на новата лига. Лига за богати кои сакаат да се дистанцираат и да бидат уште побогати.
„Треба да им бидат одземени бодови и парично да бидат казнети. Ова е криминал. Ова е казнено дело против љубителите на фудбалот. Одзмете им ги трофеите и дајте им на Барнли и Фулам“, вели бесниот Гери Невил.
Еден од 12-те клубови кои решија да се одметнат и да прават своја богата Суперлига, лондонски Тотенхем претпладнево решил да му врачи отказ на Жозе Мурињо, наводно поради тоа што им се спротивставил.
12 елитни клубови од Европа ја создадоа Суперлигата и направија земјотрес во фудбалот, а планот е да учествуваат вкупно 20 клубови. На УЕФА и се стемни, но затоа Кочани е во транс.
