ФИФА долго време го имаше Мексико како еден од своите главни комерцијални партнери, бидејќи беше првата земја во светот која организираше две Светски првенства (1970 и 1986).
И двете беа култни, бидејќи се одиграа во време кога за многумина најдобрите фудбалери во историјата, беа на врвот од своите кариера. Пеле и Марадона.
Мексико за четири години ќе стане првата земја домаќин на три Светски првенства. Доби можност во 2026-та да го организира заедно со САД и Канада и со тоа би станала прва во историјата со таква привилегија.
Но дивјачкиот однос на стадионот Корегидора во градот Керетаро, ја доведе во прашање, честа на оваа земја да организира Мундијал.
Сепак се работи за инцидент кој до толку излегол од контрола, што тренерот на домаќините со помош на играчите, засолнувал гостински навивачи во соблекувална.
Властите официјално известуваат за 22 повредени и 9 хоспитализирани, а локалните медиуми тврдат дека има минимум 17 мртви.
И не е само тоа. Мексико веќе неколку е под лупа на ФИФА поради повеќе фактори, генерално поврзани со навивачите. Мечот од првата лига меѓу Керетаро и Атлас е кулминација.
Ya de una vez que la FIFA considere que Mexico es un peligro también para el mundo soy mexicano y no quiero que vuelva a pasar esto en unos años más #ÚltimaHora y en Queretaro no mamen pic.twitter.com/Y5b8PvZpCi
— Iván PL ⚜ (@ivanlink_lost) March 6, 2022
Поради тоа многу мексикански навивачи бараат да им се одземе домаќинството за СП 2026.
„Како што ФИФА ја суспендираше Русија за војната против Украина, се надевам дека ќе го суспендираат Мексико на репрезентативно и клупско ниво за „масакрот во Керетаро. Она што се случи во Ла Корегидора сериозно ги повреди фудбалот, семејствата и животот“, напиша Алваро Мартинез на Твитер.
И тој е еден од многумината навивачи кои се согласуваат за санкции за мексиканскиот фудбал од страна на ФИФА.
@fifacom_es @FIFAcom @FIFAWorldCup is time to cancel the world cup in México. Is not the homofobic chants is about justice. https://t.co/6mmp14syTv
— carlos Castaneda (@ccastM) March 6, 2022
ПРЕТХОДНИ СУСПЕНЗИИ
Мексико веќе два пати беше санкциониран со забрана за влез на нивните навивачи на квалификациските натпревари за СП 2022. Причина за тоа беа хомофобично скандирање против голман.
Мексиканците паметат и суспензија за настап на Мундијал и тоа четири години откако беа домаќини.
Се работи за Италија 1990 и скандалот „Лос Качирулес“, кога мексиканската фудбалска федерација мамела со регистрирање на играчи.
На играчи кои имале над 20 години им дале лажни пасоши за настап во квалификациите за Светско јуниорско првенство 1989-та.
Нечовечната навивачка пресметка во Мексико со најмалку 17 жртви
