Во полуфиналето на францускиот Куп Монако беше на одличен пат да ја прекине серијата очајни резултати. Нант успеа да направи пресврт, но гостите израмнија 2:2 преку Мајрон Боаду кој штотуку влезе на терен.
И патникот во финале на француски Куп се решаваше на пенали. Канаринците на крај победија во пенал серијата и стигнаа до еден од најголемите успеси во клупската историја.
Уште од 2001-ва година не биле во можност да се борат за трофеј. Во таа година станаа чудесни шампиони на Франција.
Затоа и незапаметена прослава на навивачите кои чекаа ваков успех повеќе од две децении. После последната судиска свирка, буквално до последениот гледач влезе од трибините на терен за да прослави со своите играчи.
Scenes. Nantes are in the French cup final after beating Monaco on penalties last night. It's safe to say they're looking forward to it. (🎥 @SimonReungoat)pic.twitter.com/m1JNa5aDqN
— Get French Football News (@GFFN) March 3, 2022
Последниот пехар во Купот Нант го освои во 2000-та година кога за овој клуб играа Ландро, Жиле, Олембе, Сибиерски, Карије, Да Роча, Педрети.
Во другото полуфинале Ница славеше 2-0 против најголемото изненадување сезонава во францускиот Куп, анонимниот Версај. Големото финале е закажано за 8. мај на Стад де Франс во Париз.
ЛУДИЛО И НА МЕСТАЉА
Валенсија, некогашниот гигант во европскиот фудбал, веќе неколку години поминува низ голема финансиска и организациска криза. Навивачите одамна протестираат против претседателот на клубот, но секогаш ги бодрат фудбалерите.
А тие им вратија синоќа со историски триумф против Атлетик Билбао. „Лилјаците“ на гости во Баскија на првиот меч загубија 2-1 а синоќа после голема борба победија 1-0 и се пласираа во за нив 18. финале на Кралскиот Куп на Шпанија.
Валенсија ќе игра за 9-ти пехар во Купот. Во моментов со 8 освоени трофеи во ова натпреварување се на петто место по бројот на победнички финалиња.
Единствениот гол на мечот за пласман во финале го постигна Португалецот Гонзало Гуедеш во 43' минута со преубав шут.
“Illa illa illa, nos vamos a Sevilla” (we’re going to Sevilla) the Valencia fans sing. Copa del Rey final: La Cartuja, April 23 pic.twitter.com/ha338Z0JE1
— The Spanish Football Podcast (@tsf_podcast) March 2, 2022
Во второто финале во четврток вечер ќе играат Бетис и Рајо Ваљекано, а зелено-белите од Севиља имаат предност од првиот меч 2-1.
