На пријателска средба во рамки од подготовките за Светско првенство, Мексико и Колумбија одиграа меч со 5 гола во Санта Клара (САД). На преполн стадион пред околу 70.000 гледачи, Колумбијците славеа 2:3 и тоа со чудесниот гол на Вилмар Бариос.

Селекцијата на Србија предводена од легендарниот Драган Стојковиќ игра како по ноти. По триумфот над Шведска од 4:1, во директен дуел за првата позиција ја доби Норвешка во Осло со 0:2. Стрелци на головите Влаховиќ и Митровиќ кој стигна до гол број 50 за Србија.

На неутрален терен, на Ред Бул арената во САД, Аргентина водеше 1:0 на пријателски дуел против Јамајка. Меси влезе во игра во 56-та минута и за 3 минути покажа кој е дојден на гости во Њу Џерси. 10 гола и 8 асистенции на последните 13 меча за дечкото кој има 35 години. Во моментов има 90 гола за Аргентина, далеку пред вториот кој е пензиониран, а тоа е Габриел Батистута со 55.

Еден ден после мечот во Скопје, извиркување на национална химна се случи и на Паркот на принцовите каде Бразил на пријателска го декласираше Тунис со 5:1. Маркињос како член на ПСЖ, климаше со главата и не можеше да поверува што доживува на стадионот каде игра скоро 10 години. Навивачите на Тунис освен што ја свиреа химната, го гаѓаа Ришарлисон со банана.

Шведска и Словенија одиграа 1:1, во натпревар кој немаше големо резултатско значење, но затоа ќе остане запаметено ова ремек дело на 19 годишниот Бенџамин Шешко кој настапува за Салцбург. Коментаторот го спореди со оној на Марко ван Бастен, постигнат на ЕП 1988.

Спомнете му го мечов на фудбалски југоносталгичар и ти сецка салата со ракија, одма на лице место. Плус кога ќе се сети кој коментираше, нема станување.

Со самиот факт што Македонија успеа да победи земји како Германија и Италија, да се носи и надигрува со посилни репрезентации, а и да стигне до Европско, овие момци имаат обврска да го одржуваат реномето на репрезентацијата на исто, па и на подобро ниво. И секогаш да играат со иста сраст како што ја пејат химната.

Дел играа во Бундеслига, еден во Премиер лига, потоа имаме европски првак, а тука е и стрелецот на првиот гол на Македонија. Она што ги поврзува е што сите го носеа дресот на македонската репрезентација.

Поранешниот фудбалер на Барселона и Реал Мадрид, Луис Фиго, бил учесник на еден настан организиран од корпорацијата Mastercard која организирала фудбалски меч во воздух на висина од 6.166 метри надморска висина во практично невозможни услови. За овој експеримент бил монтиран и терен од 75 квадратни метри. Фиго дал гол на овој меч за кој не знаеме што да мислиме.

Англија и Германија одиграа спектакуларно реми од 3:3 и сите голови паднаа во второто полувреме. Хари Мегваер на ниво, како за Манчестер Јунајтед, така и за репрезентација. Погледне го што направи генијалецот од 87 милиони евра.

Бугарската фудбалска репрезентација нè спушти на земја и ја казни мизерната ефикасност на Македонија, која со исклучок на дуелите со аматерите од Гибралтар постигна само 1 гол на четирите средби против Грузија и Бугарија во Лига на нации. Џабе сите скандирања „Бугари татари“ и „Бугари цигани“. Мечот требаше да се добие.

Иконата на македонскиот фудбал и човек кој нè однесе на прво Европско првенство, Горан Пандев (122 настапи за Македонија - 38 гола) на својот Инстаграм профил му испрати порака на селекторот Благоја Милевски. На констатацијата на Милевски дека „сме биле на добар пат“, Пандев стави три емоџи кои означуваат „замолчи“.

Македонската фудбалска репрезентација ја заврши сезоната во Лига на нации со неочекуван пораз од Бугарија од 0:1, селекција која ја доминиравме на првиот дуел во Разград и која ги нема реномето и квалитетот што ги имаше. Бледа игра на момците на Милевски од кои се очекуваше многу повеќе.

И покрај тоа што ги загубивме шансите за првата позиција во група, дуелот меѓу Македонија и Бугарија во последното коло од Лига на нации ги наполни северната и јужната трибина на Градски. Бугарите се соочија со жесток пречек уште при интонирањето на химната.

Светскиот првак во последно време не изгледа на таков. По 6 кола има само една победа во Лига на нации. Синоќа загубија 2:0 од Данска, а Килијан Мбапе „се истакна“ со двата најлоши шутеви во кариерата, како и најлошиот дриблинг.

Искусниот триесет и две годишен полски репрезентативен голман Војчех Шчесни во моментов е со својата селекција каде игра натпревари од Лига Нации и се спрема за Светското првенство. Шчесни по богатата кариера во Арсенал, бранеше за Брентфорд и Рома пред да дојде во Јувентус. Секаде го следеше муабет дека пуши цигари, а сега тоа го потврди и полскиот селектор.

Натпревар без преголем резултатски императив за двете селекции зошто Грузија веќе го освои првото место во оваа група, но секако одлична појдовна точка за борбите кои следат на патот кон Европско првенство 2024.

Репрезентацијата на Фарски Острови ја забележа најголемата победа во својата историја откако во последно коло од 3. издание на Лига Нации ја совлада Турција со 2-1. За Турците ова со сигурност е најголема бламажа откако играат фудбал.

Ги чекаме вечерва на Градски со почеток од 20:45 во натпревар без некоја резултатска важност, туку чисто да им покажеме дека сме појаки. Стефан Ристовски нема да игра поради повреда, ама им заигра на Инстаграм со нивниот најголем и најактуелен хит. Рокајте звучките.

Веќе се познати некои од кандидатите за организација на Мундијал 2030. Европската јавност со две раце би гласала за сојузот Шпанија-Португалија-Мароко, но нешто се прашуваат и Саудиска Арабија-Египет и Грција. Од каде овој чуден спој?

Има работа и за овој ај ти. Може карлинг да коментира, скокови во вода и ритмичка гимнастика, а исто и веслање и едрење. Слушнете го како гали со гласот.

Хаосот пред гол се случува во третата аргентинска лига и во еден момент глупост прави тој со број 2 покрај статива. Ја расчистува опасноста пред гол, ама со шут кон својот гол и гаѓа соиграч во рака. Судијата вели пенал. Ќе се заколеа.

Легендарниот Зизу после еден рид трофеи освоени во кариерата како играч и како тренер, веќе извесен период ужива во слободното време. Сега излезе видео на кое Зидан во една ергела коњи јава еден коњ и наеднаш паѓа но елегенатно како на фудбалски терен, со стил.

Новата скопска фудбалска приказна од Кисела Вода, викендов и официјално почна да се испишува. Дебитираа во четвртата лига со пораз во Долно Лисиче од Победа. Скоро им правевме интервју, ама не се пофалија дека го купиле и Златан Ибрахимовиќ.