Самуел Соарес е роден 2002-ра и брани за Б тимот на Бенфика. Ако треба да се бира гол на годината, па и на деценијата постигнат од голман, тогаш дајте му ја нему наградата. Чудесија од лоб од 80-90 метри.

УЕФА ги спука во два часа и нешто ждрепките за сите три клупски европски натпреварувања.

Меѓу првите фудбалски ѕвезди кој се јави со видео реакција околу ждрепката за нокаут фазата во ЛШ е Милер. Искусниот напаѓач кој се изнаигра за Баерн, прво ги поздрави противниците на француски, а потоа изрази жалење што ќе мора една од овие две големи екипи да се прости уште во осминафинале.

Она што слободно можеме дека кажеме дека го личи да биде големо и убаво финале во второто по ранг клупско европско натпреварување, ждрепката сакаше да биде плејоф рунда за осминафиналната пресметка.

Епа појако и понеизвесно и не можеше да биде. Во осминафиналето на Лига на шампиони ќе гледаме две тазе репризни финалиња.

Од 31-ви август Марио Балотели е во швајцарскиот клуб Сион. Потпиша 2-годишен договор а сезонава после 8 меча има 4 гола и 3 жолти картони. Кога ќе ни текне кај сè не играше од Интер, Манчестер Сити, Ливерпул, Милан, Ница, Марсеј, Бреша и секаде правеше гафови, не е ни чудо што истото го повторува и во Швајцарија.

Себастијан Виера е голман со искусни 39 години и скоро 500 настапи, меѓу кои 15 за селекцијата на Уругвај. Несфатливо е како можеше вака да си го оштети тимот.

Во последното 38. коло на бразилската Серија Б, Баија на гости со 1-2 го победи ЦРБ и обезбеди пласман во најдобрата елитна А лига на Бразил. Ама дуелот повеќе личеше на ватерполо отколку на фудбалска средба.

Момент од мечот Ротерам - Норич (1:2) во англискиот Чемпионшип. Домашниот десен бек Весли Хардинг пробува да изведе аут ама топката му лизга од раце зошто е мокра. Од позади еден гледач решава да му помогне. И нормално сето тоа пропратено со аплауз на отворена сцена.

Дербито меѓу Рома и Лацио во Рим важи за меч на сезоната кој со душа го чекаат навивачите. Лацио го доби со еден гол, кој играчите го овековечија на семафорот во соблекувалната.

Дербито на Андалузија меѓу Бетис и Севиља е најжестоко во Шпанија и навивачки можеби најпривлечно на Пиринеите. Пред преполн стадион домаќинот Бетис по смешниот автогол на Хесус Навас во 43' минута, ама српскиот репрезентативец Немања Гудељ во 81' минута го постигна најубавиот гол на колото во шпанска Примера за конечни 1:1.

2.688-ма грда епизода во нашиот кутар и беден мак фудбал кој тоне во безредие и самоволие. Талентот на сезоната е дефанзивецот на Шкендија Сабит Билали кој прво турна играч на Академија Пандев, потоа вториот го нокаутираше, па го рогна.

Дербито на Италија дојде во прав момент за Јувентус да покаже дали е уште буден сезонава. Бјанконерите го совладаа големиот ривал кој после три триумфи во низа во Серија А и Лига на шампиони, изгуби во Торино со 2:0.

После 615 средби, 52 гола и вкупно 30 трофеи со Барселона плус три со Манчестер Јунајтед, како и титула светски и европски првак со Шпанија, Жерар Пике скроз заслужено и со мирна совест ќе го посети пензискиот фонд на 35 години.

Лестер рутинирано со 0-2 го доби Евертон на гости и ги однесе трите бода од „Гудисон Парк“. Она што го направи Белгиецот Јури Тилеманс ќе се прикажува цела година.

Освојувач на Светско првенство 2014 со Германија, шампион со Баерн Минхен, расен стрелец кој има еден куп трофеи и стотици голови во кариерата. Но вечерва за неговиот клуб Гурник Забже на гости кај Погон во триумфот 1:4, 37-годишниот Подолски го постигна можеби најубавиот во кариерата.

Фудбалерите на Наполи играат совршен фудбал и во 13. коло од Серија А ја совладаа силната Аталанта во Бергамо. Стрелец на победничкиот гол беше Елиф Елмас кој го прослави голот така што ги замолкна критичарите.

Македонскиот репрезентативец Бојан Миовски по кој знае кој пат сезонава покажа дека му лежи Шкотска како средина. Со нови два гола изби на втората позиција на листата на стрелци.

Потоа Стам решил дека нема да поминат понатаму од половина терен.

Реал Мадрид со 5-1 лесно го растури Селтик во последното коло од Лига на шампиони. Овој меч ќе се памети по тоа што го судеше жена-судијка, Французинката Стефани Фрапар која во првите 30 минути досуди три пенали. Два за Реал, еден за Селтик. Гостинскиот фудбалер, хрватскиот репрезентативец Јосип Јурановиќ промаши, односо Тибо Куртоа му одбрани по сугестија од Модриќ.

И покрај тоа што веќе беа квалификувани за следната фаза, фудбалерите на Фиорентија го суредија Хартс на гости 0:3 уште во прво. Рикардо Сапонара ептен си го направи ќеифот. Не се брани ова.

Сите четири тима од групата Ф во Лига Европа конкурираа за пласман во нокаут фазата. Пред последното коло Лацио и Штурм беа лидери со по 8 бода а Феенорд и дански Мидтјиланд имаа по 5 бода но на крај ги стигнаа со победи.