Спектакл на Монументал, Ривер славеше титула

По 38-ми пат во својата историја Ривер Плејт, славниот клуб од Буенос Аирес е шампион на Аргентина. По заминувањето на врвниот тренер Марсело Гаљардо кој им донесе неколку трофеи, сите очекуваа благ пад на екипата, но Мартин Демикелис докажа дека е способен да стигне до нова титула. На 3 кола пред крајот од првенството, Ривер прослави шампионско одличје на меч со Естудиантес Ла Плата пред 80.000 свои навивачи.

Ривер Плејт има уште и 14 домашни национални Купови, 12 меѓународни шампионски трофеи и шест пехари во останатите натпреварувања.

Ривер Плејт сега има 3 шампионски титули повеќе од Бока во домашното првенство, иако вкупно вечниот ривал има 74 трофеи, а Ривер 70. Трет најтрофеен аргентински клуб е Индепендиенте со 45 пехари, Расинг Клуб има 39 во сите натпреварувања, Сан Лоренцо 22 а Естудијантес де Ла Плата 14.

објавено: 16 јули 2023 - 07:33