По килавиот јануарски старт со три ремија од по 1:1, Баерн конечно се израдува на победа во 2023-та. Ерик Максим Чупо Мотинг изведе асистенција која му ја споредуваат со потезите на Јохан Кројф.

Неверојатниот Килијан кој во драматична завршница на едно финале на Светско првенство ладнокрвно шутираше два пенали и двата ги погоди против Аргентина, овојпат не можеше да го скроти голманот на Монпеље, Бенјамин Лекомте. Во 10’ минута од дуелот на ПСЖ на гости, Парижаните добија пенал. Голманот му одбрани на Мбапе а судијата процени дека Лекомте прерано излегол од цртата и соиграчи влегле предвреме, па му даде нова шанса на Килијан.

Првата сезона во ПСЖ беше во подредена улога и со за него скромни 11 голови во цела сезона на сите натпреварувања. Сега има 14 до полусезона и игра шампионски.

Имаше сезонава неколку комични утки, ама ниедна како оваа. Во германскиот Куп, Унион Берлин го пречека Волфсбург и го совлада со 2-1. Буквално во последните секунди од мечот домаќините имаа невидена шанса да слават со 3-1 ама Жером Русион промаши нешто невозможно. Веднаш потоа доби „втора шанса“ да даде гол.

Галатасарај и натаму го чува првото место во турската Суперлига откако синоќа со 3:2 едвај го совладаа Умраније. Галата има 7 бода повеќе но и натпревар повеќе од Фенербахче. На вчерашниот дуел Лукас Тореира покажа зошто едно време играше во Атлетико Мадрид и во силниот Арсенал кој за него даде повеќе од 30 милиони евра.

Чуден момент на мечот Бетис - Барселона. Двајца беа во кадар, ама дефанзивецот на Барса го снема.

Барселона е во фантастична серија од 9 победи во низа на сите натпреварувања. Во 19. коло во Ла Лига го совладаа на гости незгодниот Бетис со 1:2 и сега се на +8 пред Реал кој вечерва ја пречекува Валенсија. Погледнете го овој труд на играчите откако Педри загуби топка. Осум играчи спринтаа во одбрана.

Само две недели откако мајсторски го матираше голманот на Ренџерс во Купот, Бојан Миовски запиша нов погодок и во шкотското првенство, вкупно 12-ти сезонава и покажа дека не простува ниту од белата точка. Тој го израмни резултатот против Сент Мирен во 74-та, но Абердин не успеа да се спаси од пораз и во последните 10 минути прими уште два гола.

Ќе речеш премногу темпераментен, кавгаџија, груб и со играчите, тренерите, новинарите. Ама има и една особина, незабележлива кај неговите колеги по која се двои.

Ако Челси под Роман Абрамович беше синоним за луксуз, за скапоценост, за јахти и трошење милиони за најскапи играчи, за ова сега што се случува под новиот газда, Американецот Тод Боели нема соодветни зборови.

Како краен рок во зимскиот преоден рок, на 31 јануари знае да биде доста раздвижено и динамично со трансфери, до степен да не знаат играчи кој им останал колега. Го прашуваат Шпанецот Марк Кукуреља кој е најпаметен играч во Челси? Го издвојува Жоржињо и во тој момент дознава дека тој веќе е нов член на Арсенал.

Кралевите немаа муниција против Реал Сосиедад и нерешените 0:0 ги оддалечиja на -5 од Барселона. Но мора да им се признае дека низ годиниве наназад, благодарение на задржаниот костур на јаки и искусни играчи, надополнети со млада свежа крв, играат врвен фудбал. Погледнете каков проток на топка имаат.

Студениот шут за гостите се случи уште во 4 минута кога Константинос Мавропанос сакаше да му ја врати на голманот, кој очигледно во тој момент имал попаметна работа отколку да го чува голот. Но Бундеслигашот не дозволи да биде изненаден од второлигашот Падерборн во Купот и успеа да го сврти мечот во 86-та и 95-та минута.

Откако после јубилејниот 1.000-ти натпревар во кариерата на Меси, жена му Антонела сфатила дека тој не го сочувал дресот, туку го дал на некој Австралиец и дека редовно ги дава своите предмети кои таа сака да ги чува во драгоцениот музеј на семејството, после големото финале на Светско првенство му ги собрала копачките и му ги чувала.

Триесет и шест годишниот Халк (или Хулк како милувате), уште игра во топ форма за бразилскиот Атлетико Минеиро. Во рамки од 2. коло од бразилското првенство Минеиро, Атлетико Минеиро на гости со 1-2 го совлада Томбенсе. Халк имаше асистенција и гол. Интересно, се измерил и сликал на вага која покажала 97.7 килограми пред натпреварот и 91.9 килограми после мечот.

Фудбалскиот клуб Ремс од Франција веќе 13 меча не знае за пораз и тоа е една од најдолгите непобедливи серии во Топ5 лигите во Европа сезонава. Клуч за успехот е младиот и анонимен тренер кој се учел преку неверојатната видео игра Football Manager.

Судиите во унгарската прва лига се изглупираа повеќе и од актерот кој успеа да исценира непостоечки прекршок за пенал и црвен. Се работи за Дебрецин, најуспешниот унгарски тим во овој милениум со седум титули и пласман во групна фаза во ЛШ. Срамота.

Рома загуби 2:1 на гостувањето против Наполи, а Елмас влезе во игра во 69-та минута. Задоволен од тимскиот дух, Жозе Мурињо побарал од играчите да овековечат една заеднична фотографија после поразот. Фудбалерите и не се нешто воодушевени од идејата.

Оспоруван и како играч, оспоруван и само што почна да се занимава со тренерска професија, Мајкл Карик (41), некогашниот повремен капитен на Манчестер Јунајтед, седнал пред крајот на октомври лани на клупата на давеникот во втора лига - Мидлзборо.

Во четвртата рунда од англискиот ФА Куп, Рексам и Шефилд Јунајтед одиграа фантастичен меч со шест гола. На крајот реми 3:3, но и интересен детал со црвен картон.

Во 19. коло од холандската лига, Твенте и Феенорд одиграа 1-1 со што тимот од Ротердам ја задржа лидерската позиција на табелата, со само два бода пред Аз Алкмар и четири пред ПСВ Ајндховен. Во еден момент од мечот голманот на Феенорд Џастин Бејлов истрча од голот за да спречи една контра на Твенте, па реши да внесе нова топка во терен за да не му дадат гол.

Со триумфот над Рома од 2:1, Наполи со +13 пред вториот, ита кон титулата за која сонува 33 години, а за стрелец број 1 сезонава се наметнува 70 милионската инвестиција од Лил, Виктор Осимен. Нигериецот е прв со фантастични 14 гола на 16 средби. Ова му е дефинитивно еден од најубавите голови откако летото 2020-та пристигна на Сан Паоло.

Актуелниот турски шампион Трабзонспор беше поразен на гостувањето кај Хатаиспор денеска откако прво Енис Барди во 9-та минута со прекрасен лоб со глава ги донесе гостите во водство, но за само две минути во вториот дел домаќинот направи пресврт за победа 2-1.