Со гол во 95 минута фудбалерите на Португалија во трилер завршница се спасија од пораз на средбата против САД, но останаа со минимални шанси за пласман во нокаут фазата.

Селекцијата на Нигерија по пауза од 16 години успеа да победи во групната фаза на едно Светско првенство во натпревар кој значи елиминација за БиХ, но и судиска неправда за дебитантот на Мундијалите.

Продолжуваат изненадувањата на Мундијалот во Бразил. Фудбалерите на Гана и ги расипаа сметките на Германија која се надеваше дека вечерва ќе обезбеди виза за осминафинале и со борбена игра успеа да и откине бод. 

Напаѓачот на мексиканскиот тим Пачука, Енер Валенсија му ја донесе првата победа на Еквадор на Светското првенство во Бразил и го елиминираше тимот на Хондурас кој прв ја затресе мрежата.

Фудбалерите на Франција се најефикасниот тим во досегашниот дел на Мундијалот во Бразил. По трите голови против Хондурас, составот на Дидие Дешамп ја декласираше Швајцарија со 5:2 за пласман во нокаут фазата.

Меѓу белгиските репрезентации откривме дека има бизнисмени и правници, а доста занимливо е и минатото на фудбалерите на Англија каде има еден фанатик по правење скара, како и школуван фудбалер во скапо училиште кој знае латински јазик.

Репрезентацијата на Шкотска не се пласираше на Светското во Бразил, но за нивните навивачи тоа не значи дека нема забава. На арената во Сао Паоло беше развиорено шкотското знаме, а навивачот беше измешан со уругвајските фанови за дополнителен сеир наметен за нивните ривали од Англија.

Планетарниот фудбалски собир е магнет за стари, млади, жени, деца, па дури и за оние кои не се по спортот. Кај домаќините се појавија двајца кои излажаа дека ќе седат на стадион, а овој навивач на посебен начин ја доживеа победата на Бразил над Хрватска.

По средбите Иран-Нигерија и Бразил-Мексико, најнепопуларниот резултат се случи и на мечот помеѓу Јапонија и Грција кои само и направија услуга на Колумбија која со две победи е сигурен патник во нокаут фазата.

Уште една фудбалска велесила најверојатно ќе го напушти Бразил уште по првата групна фаза. На клучниот дуел во „групата на смртта“ селекцијата на Уругвај ја исфрли од игра Англија и направи чекор плус за пласман во осминафиналето. 

Малиот Шкотланѓанец кој штотуку научи да пишува, реши да достави понуда за да го пополни тренерското столче на својот омилен клуб.

Фудбалерите на Белгија со пресвртот над Алжир стигнаа до победа во првиот нивни меч на Мундијалот во Бразил. За навивачите тоа беше големо славје, но оние кои редовно се повод за вицови имаа задоцнета реакција низ празните улици во Брисел.

Го паметиме најмногу во дресот на Интер, како и бројот 1+8 кој го носеше на грбот. Остави белег и во Реал Мадрид каде во 1995 титулата во Шпанија ја прослави како најдобар стрелец. Нападот на Чиле го предводеше заедно со Марчело Салас и беа препознатлив тандем во светот.

Костумосаниот господин имаше некој чуден редослед на поздравување пред мечот помеѓу Шпанија и Чиле, а од сето тоа сеирот го попи линискиот судија кој џабе се почеша.

Конечно ги најдовме причините за дебаклот и срамот на Светскиот шампион. Тие не се должат на лошата тактина на Дел Боске или немотивираноста на играчите. Човекот кој ја баксузираше Шпанија се вика Дејвид Мојс кој во колумна за Sunday Times анализираше дека доминацијата на „Црвената фурија“ ќе продолжи и во Бразил. Браво мајсторе, ова дефинитивно е твоја фудбалска година.

Фудбалерите на Хрватска го забележаа најубедливиот триумф без примен гол на досегашните натпревари на Светското првенство во Бразил. Камерун беше целосно надигран, но и посрамотен по високиот пораз.

Крај на шпанската доминација и магичната тики-така. Европскиот и светски првак Шпанија по петардата од Холандија, доби шлаканица и од селекцијата на Чиле која го надигра и го шокираше дрим тимот составен со фудбалери од Барселона и Реал Мадрид.

Фудбалерите на Холандија се првата селекција која стигна до втора победа на Мундијалот и која со една нога е во осминафиналето. Австралија покажа заби на овој меч и беше многу потежок противник за тимот на Ван Гал за разлика од Светскиот шампион.

По поразот од Камерун и ремито со Катар минатиот месец, македонската фудбалска репрезентација загуби и од Кина и со тоа ги продолжи неефикасните контролни натпревари пред есенскиот старт на квалификациите за ЕУРО 2016 година.

Глумата и фудбалот често одат заедно кај играчите. Пример за тоа дека не е добро за фудбалот, не се ниту домаќините на Светското првенство кои имаат двајца претставници во првата куса компилација.

Мундијалите покрај забава носат голем бизнис и тоа не само за тој што ги организира. Резултатот од утрешниот натпревар од групата на смртта помеѓу Уругвај и Англија ќе биде од голема важност за економијата во Велика Британија, каде од стартот на Светското угостителите многу повеќе ги тријат рацете.

Едно од најпрепознатливите спортски ликови на планетата синоќа седеше на стадионот „Кастелао“ на мечот помеѓу Бразил и Мексико. Петкратниот НБА првак е голем фудбалски фан кој го следеше и мечот Германија-Португалија, а за сајтот на ФИФА вели дека посакува јужноамериканско финале.