Пред почетокот на натпреварот Атлетик Билбао - Реал Мадрид, некогашниот децениски капитен на Интер Бепе Бергоми доби признание од баскискиот клуб кој од 2015-та година со големи почести наградува фудбалери и фудбалерки кои целиот свој фудбалски век играле само за еден клуб.
Во 2016-та оваа награда ја доби Паоло Малдини за тоа што целата своја кариера му ја посвети на својот Милан, а сега ја доби и почесниот капитен и легенда на Интер Џузепе Бергоми.
Овој култен капитен одигра 757 натпревари за Интер во 20 сезони, од 1979-та до 1999-та.
🌟 Giuseppe Bergomi (@Inter) y Maria Gstöttner (USV Neulengbach) reciben la ovación de San Mamés.
— Athletic Club (@AthleticClub) December 4, 2024
El Athletic y el @realmadrid hacen el pasillo de honor a nuestros 𝗢𝗻𝗲 𝗖𝗹𝘂𝗯 𝗠𝗮𝗻 y 𝗢𝗻𝗲 𝗖𝗹𝘂𝗯 𝗪𝗼𝗺𝗮𝗻.#AthleticRealMadrid #OCM2024 #OCW2024 🦁 pic.twitter.com/7xjidMjmCy
Покрај него, претходно наградата ја добиваа уште и:
2023: Жоао Пинто - 587 настапи за Порто (16 сезони, 1981-1997)
2022: Рикардо Енрике Бокини - 634 настапи за Индепендиенте (19 сезони, 1972 -1991)
2020: Рајан Гигс - 672 настапи за Манчестер Јунајтед (24 сезони, 1990 - 2014)
2019: Били Мекнеил - 486 настапи за Селтик (18 сезони, од 1957 - 1975)
2018: Карлес Пујол - 392 настапи за Барселона (16 сезони, од 1999 до 2014)
2017: Сеп Мајер - 473 настапи за Баерн Минхен (17 сезони, од 1962 до 1979)
2016: Паоло Малдини - 647 настапи за Милан (25 сезони, од 1984 до 2009)
2015: Метју Мет Ле Тисие - 443 настапи за Саутемптон (16 сезони, од 1986 до 2002)
Кај жените, наградата за верност кон еден клуб од Атлетик Билбао ја добиле фудбалерките:
2019: Малин Мостром (Умеа ИК, 13 сезони од 1995 до 2007)
2020: Пиа Вундерлих (ФФЦ Франкфурт, 16 сезони од 1993 до 2009)
2021: не се доделувала награда поради глобалната пандемија.
2022: Џенифер Зитц (Турбин Потсдам, 16 сезони од 1999 до 2015)
2023: Матилде Мартинез (Фундасион Албасете, 14 сезони од 2008 до 2022)
2024: Марија ГСТОТНЕР (Нојленгбах, 24 сезони, од 1998 до 2022)
