Столе: „Од дете го сакав Кањизарес од Валенсија“

Македонскиот репрезентативен голман имаше и официјално претставување во славната Валенсија. На „Местаља“ Столе ќе се бори за место покрај стативите со еден од најдобрите голмани на Евро 2024, Грузиецот Георги Мамардашвили кој до крај на преодниот рок би можел да замине во побогат клуб и да му ја остави „единицата“ на Димитриевски.

На прашањето на домаќинот, кој му бил најомилен фудбалер од славната шампионска генерација на Валенсија која освои две титули во Ла Лига и една во Куп на УЕФА, а играше и во финале на Лига на шампиони, Столе Димитриевски вели:

„Кога бев мал, најмногу ми се допаѓаше Кањизарес. Не го гледав кога играл во Реал, но затоа го гледав во Валенсија. Жолт дрес и бела коса беа препознатливи за него. Беше навистина интересно да се гледа, тој имаше извонредни натпревари како фудбалер на Валенсија. Го бирам него“, рекол Димитриевски, кој вели дека пристигнал на „Месталја“ да се бори за своето место и да му помогне на тимот, без разлика на тоа дали Гиорги Мамарадшвили ќе остане, или ќе биде продаден до крајот на преодниот рок.

„Потпишав за Валенсија знаејќи дека има добар голман како Мамардашвили. Тој имаше одлични две години, а го потврди тоа и на Европското првенство. Дојдов тука да се борам и да му помогнам на тимот“, заклучи Димитриевски.

12 јули 2024 - 13:47

Штета ако сте пропуштиле

Плач по Кеш

Пастирот се менува, овците остануваат

Ковидот сепак не ни згреши до толку

Со презир и носталгија за Бијело Дугме