Славјето во Дакар, Париз, Њујорк за шампионите на Африка

Сенегал во најдобар состав во нивната историја, со ѕвезди како Калиду Кулибали, Садио Мане и Едуар Менди заслужено го освои Купот на Африка откако во финалето го совлада Египет на пенали. Јунаците се вратиле дома а пречекот бил масовен.

Неколку десетици илјади Сенегалци излегле на улиците на Дакар да ги поздрават шампионите кои им донесоа голема радост. Претседателот на Сенегал, Маки Сал ги пречекал на аеродромот, а толпата еуфорично славела кога селекторот Алиу Сисе го кренал трофејот на кровот на автобусот со кои дефилирале низ улиците.

Vous avez vue ce monde d'aujourd'hui 😊🇸🇳 pic.twitter.com/gzucxl4nF8
— . (@Elcheikhamar) February 7, 2022

Сенегал во неделата вечер победи во финалето на Купот на Африкански нации. Ова е прв меѓународен пехар во историјата на земјата. Два пати беа на чекор од златниот трофеј - играа во финалето во 2002 и 2019 но изгубија во финале. Сега имаа трета среќа.

Сенегалци славеле насекаде каде има нивни бројни заедници. Во Париз славјето било кај Елисејските полиња

PARIS - Ambiance festive sur les #ChampsElysees pour la victoire du #Senegal qui vient de remporter la #CAN2021 #SENEGY pic.twitter.com/UhTRRsVg5C
— Clément Lanot (@ClementLanot) February 6, 2022

Прослава имало дури и во Њујорк. Во Харлем на 116-та улица имало реон наречен и „мал Сенегал“. После решавачкиот пенал на ѕвездата Садио Мане и таму излегле и го сопреле сообраќајот.