Колку е 7+ за Селтик?

При секое доаѓање на Селтик на Камп Ноу, прогнозерите десно во билтенот ги бараат коефицентите за „седмица“, „петка“, „шестка“ свесни за тоа што го чека гостинот. Во првото коло од ЛШ во вторникот, Барселона со 7:0 го испрати шкотскиот шампион дома. За жал по „Детелините“, одамна поминаа времињата кога во Европа играа поинаку.

Сегашниот селектор на Ирска, Мартин О’Нил почна да работи во Селтик во 2000. година и освои три титули со овој клуб во Шкотска. О’Нил го изгради своето име токму меѓу „Детелините“ кои во тоа време неа беа топовска храна за европските гиганти.

Еден од најдобрите напаѓачи во Европа на почетокот на 2000-те години, Швеѓанецот Хенрик Ларсон го предводеше нападот на Селтик.

Бугринот Стилијан Петров во Селтик дојде од ЦСКА Софија во 1999 година и со тимот освои 10 трофеи. Приказната за него тука.

Пол Ламберт помина 8 години во Селтик. Важи за еден од најдобрите фудбалери кои го носел зелено-белиот дред. Пред да игра во Селтик, со Дортмунд го победи Јувентус во финалето на Лигата на шампионите.

Актуелниот стручен коментатор на БиБиСи, Крис Сатон е еден од најдобрите стрелци во историјата на Селтик. Во сезоната 2003/2004 постигна 19 голови на 25 меча во првенството.

Крис Сатон во дуел со Јенс Јеремис од Баерн Минхен. Некои поубави времиња за европскиот Селтик.

Ренџерс - Селтик, април 2003. година. Во живиот ѕид на гостите стојат: Крис Сатон, Јос Валгарен, Џон Хартсон, Хенрик Ларсон, Алан Томпсон и Џеки Мекнамара. Под водство на Мартин О’Нил, Селтик дури 7 пати по ред победуваше во Old Firm Derby.