Аилтон Гончалвес да Силва или фудбалерот едноставно познат под името Аилтон, е на чекор до потпишување за својот 20-ти клуб во кариерата. Тој следната недела ќе стави потпис на доготовот со клубот од германската шестта лига, Хасиа Бинген.
Во својата богата кариера тој до сега смени 19 клубови, а ќе останат запаметени неговите настапи за Вердер и Шалке, а помеѓу другото, тој настапуваше и за Бешикташ и Црвена Звезда.
Аилтон има одиграно 212 натпревари во Бундеслигата и има постигнато 105 голови со што тој е само четвртиот странец кој ја има поминато границата од 100 голови во оваа лига. По шест години откако последен пат настапи во Бундеслигата, тој на 39-годишна возраст ќе продолжи во шестата лига во Германија.
