Новото дете на Барса не знае да врзе врвки, ама дава голови за победи

По ерата на Меси, Барселона тргна практично од почеток да ги гради темелите. Новиот тренер Чави од коло во коло става млади фудбалери кои му враќаат со голови. Меѓу нив се Феран Џутлга Блан, Нико Гонзалес, Абде Езазлули, Алехандро Балде Мартинез и други.

По неколку турбулентни резултати, Барселона во саботата со 3-2 после голем пресврт, едвај во финишот го совлада Елче на Камп Ноу.

Стрелци на сите три гола беа новите деца од клубот: Феран Блан, Гави и Нико Гонзалес. Барса како да се враќа полека кон своите корени.

А интересно, на прецизните шпански новинари не им избегал еден необичен детал.

Имено младиот Гави кој блесна во полн сјај и стана најмладиот шпански репрезентативец во историјата откако на 6 октомври годинава на 17 години заигра во полуфиналето на Лига на Нации против Италија кога Шпанците победија 1:2 на „Сан Сиро“, скоро секогаш на терен трча со одврзани врвки на копачките.

Откако неколку пати се повторило и новинарите забележале дека не се случило само еднаш-два пати, Марк Марба кој од близу ги следи сите случувања во Барселона објаснил: „Малиот игра со одврзани врвки зошто не знае да ги врзе убаво. Веќе се навикнал да игра така и не му е гајле“.

🧐 PER QUÈ GAVI JUGA AMB LES BOTES DESCORDADES?

Ho explica @marcmarba: “Des de ben petit juga amb les botes descordades perquè no se les sap cordar bé. Ja s’ha acostumat a jugar així i no li preocupa." pic.twitter.com/VoSTEMldQA
— LaTdT (@LaTdT) December 18, 2021