БАЕРН МИНХЕН - ПОРТО (20:45)
- Двете екипи го играат третото меѓусебно четврт-финале во Европските купови. Баерн на два пати излегуваше поуспешен.
- Баерн Минхен има импресивна серија на Алијанц Арената во ЛШ. Победи на сите четири натпревари со гол разлика 13:0, а најмногу од овие голови паднаа на мечот против Шахтјор Доњецк, кога Баварците славеа 7:0.
- На домашен терен против португалските екипи, Баерн Минхен има 8 победи, 2 нерешени и ниту еден пораз. Баерн победи на сите осум претходни двомеча со тимови од Португалија.
- Баерн Минхен успеал да надомести пораз од првиот натпревар во девет пригоди.
- Порто ќе чува два гола предност и ќе се бори за прво полуфинале од сезоната 2003/2004, кога ја освоија ЛШ со Жозе Мурињо.
- Последно четврт-финале Порто играше пред 6 години, кога загуби од Манчестер Јунајтед.
- Порто нема пораз сезонава на гости во ЛШ, вклучувајќи го и плејофот и има три победи на пет гостувања.
- На гости во Германија, Порто има 3 победи 4 нерешени и 6 порази.
- Порто поминал понатаму на 34 од 41 двомеч кога победил дома на првиот натпревар.
Можни состави:
Баерн Минхен - Нојер, Рафиња, Боатенг, Бадштубер, Бернат, Алонсо, Лам, Тиаго, Геце, Милер, Левандовски.
Отсутни: Алаба, Бенатиа, Мартинез, Робен и Штарке (сите повредени)
Порто - Фабијано, Рикардо, Маикон, Марчано, Мартинс Инди, Ерера, Каземиро, Оливер Торес, Кварезма, Џексон Мартинез, Брахими.
Отустни: Алекс Сандро и Данило (суспензија), Тељо (повреден).
БАРСЕЛОНА - ПСЖ (20:45)
- Изјавата на Лорен Блан дека ПСЖ е голем клуб во изградба, а Барса е веќе голем клуб го објаснува четвртфиналниот дуел меѓу двата тима.
- Вечерва во тимот на ПСЖ ќе се вратат Златан Ибрахимовиќ и Марко Верати, кои ги одлежаа суспензиите.
- Барса и ПСЖ ќе се сретнат по четврти пат сезонава. Барса славеше на два пати, а Парижаните еднаш во групната фаза.
- Барса загуби само еднаш на последните 31 натпревар на домашен терен во ЛШ. На последните девет средби на Камп Ноу, Каталонците имаат осум победи и една нерешена.
- Против француските клубови, на домашен терен Барселона има 6 победи 2 нерешени и 1 пораз.
- Блауграна го игра рекордното осмо четврт-финале по ред во ЛШ. Минатата година испаднаа во полуфиналето од Атлетико Мадрид.
- Каталонскиот тим поминал дури 34 од 36 пати кога победил на гостински терен во европските натпреварувања.
- Во Шпанија, ПСЖ има 4 победи, 2 нерешени и 4 порази. Последната победа на Пиринеите, ПСЖ ја оствари во сезоната 2012/2013 кога ја победија Валенсија на Местаља.
Можни состави:
Барселона - Тер Штеген, Алвеш, Пике, Маскерано, Алба, Ракитиќ, Бускетц, Иниеста, Суарез, Меси, Нејмар.
Отустен: Вермален (повреден).
ПСЖ - Сиригу, Ван дер Вил, Давид Луиз, Маркињос, Максвел, Верати, Кабаје, Матуиди, Кавани, Ибрахимовиќ, Пасторе.
Отсутни: Силва и Мота (повредени), Орие (суспендиран).
Играј ги на Типстер и освои подароци за месец април.