Не ви е сомнително што Барса и Реал често киксаат во исто коло?

Ама секоја сезона е ова дечки и тој што е заразен со шпанско и спортска, сигурно забележува. Велат кладилниците го вртат фудбалот и сешто може човек да помисли, па зошто да не и една диригирана шема на високо ниво за големи пари м?

Тешко е да се најде лига без извалкани раце и сите афери за наместени натпревари избувнуваат од разни место во светот, па зошто и Шпанија би била имун на задкулисните игри на обложувачките мафии кои вртат милијарди од фудбалот.

Плус ако можат клубови најнормално да влегуваат во спонзорски договори со кладилници, а тоа да помине глатко кај ФИФА и УЕФА, зошто па ние да не можеме барем да имаме сомнеж за добро оркестриран план на Барселона и Реал за вадење пари од кладилница.

Како? Епа така. Едниот кога кикса и другиот по него. Можеби е само коинциденција, ама со оглед на тоа што зборуваме за две екипи на кои императив им е победа и само победа и се разбира трофеи на крај на сезона, се знае дека ретко киксаат двата гиганти.

Арно ама, веќе апла се приметува дека секоја сезона редовно им се случува тоа и тоа во исто коло, а кој е тој маж што може да ги погоди и двете нерешено на пример?

Фативме да броиме колку ова се случува често и мотавме неколку сезони наназад. Знаете до каква статистика дојдовме? Барселона и Реал Мадрид имаат 21 заеднички кикс само изминативе шест сезони со се новава која само што почна и во ниту една од нив не се случило заедно да не киксираат.

Од 21 кикс во исто коло десет пати заедно играле нерешено, еднаш заедно загубиле, пет пати Барса губи, а Реал игра нерешено и пет пати Реал губи, а Барса нерешено.

Статистиката покажува дека тоа го прават минимум три пати во сезона, а во сезоната 2018/2019 заедно кикснале дури седум пати.