Сите пресврти во историјата на ’Камп Ноу’.
КУП НА УЕФА 1977-78: ИПСВИЧ ТАУН - БАРСЕЛОНА
На студениот 23. ноември 1997 година, на стадионот „Портман Роуд“ Ипсвич предводен од тренерот Боби Робсон од клупата, ја згромил Барселона со 3:0 во осминафиналето од Купот на УЕФА. Головите ги дале Гејтс во 17’, Вајмарк во 62’ и Талбот во 75’, а Кројф и Нескенс со спуштени глави го напуштиле теренот.
Во реваншот, пред преполн ’Камп Ноу’, Барселона се вратила “од мртвите“ и со двата гола на Кројф и еден на Карлес Рексач го однела мечот во продолженија, па пенали. А таму: Уругваецот Амариљо го постигнал решавачкиот пенал во серијата откако голманот Артола бранел фантастично.
РЕКОПА 1978-79: БАРСЕЛОНА - АНДЕРЛЕХТ
Натпреварувањето кое денес го знаеме како Лига Европа, во минатото се викало Рекопа или познато како Куп на Куповите (од сезона 1999/00 Куп на УЕФА). На 18. октомври 1979 година Барса во Рекопа гостувала во Брисел. Пред 35.000 гледачи Андерлехт славел убедливо со 3-0, а головите ги дале ван дер Елс (19’, 71’), Лудо Коек (47’).
Шансите на Барса за пласман понатаму биле минимални, речиси теоретски, но кога на 1 ноември Белгијците истрчале пред 100.000 гледачи занемеле од страв. „Блауграна“ тргнала на јуриш и го израмнила вкупниот резултат 3:0 со головите на Кранкл (2), Ередиа и Зувирија. На пенали Барселона победила 4-1, решавачкиот за делириум на стадионот го постигнал Нескенс.
КУП НА ЕВРОПСКИ ШАМПИОНИ 1985/86: БАРСЕЛОНА - ГЕТЕБОРГ
Во полуфиналето на КЕШ (денес Лига на шампиони) предводени од легендарниот шведски тренер Гундер Бенгстон, Гетеборг ја понижил Барселона и после 59 минути водел со 3:0 (Нилсон 24’, 4’, Холмгрен 59’).
Во борбата за фамозното финале на КЕШ против Стеауа која го мина Андерлехт, Барселона била пред тежок испит да анулира 3 гола негатива.
Човекот кој бил на клупата на првиот меч, Пичи Алонсо во реваншот заиграл од стартот и со три ефектни гола во 9’, 63’ и 69’ минута и донел на Барселона пенали каде јунак бил Франциско Урутикоечеа кој фатил два пенали.
ЛИГА НА ШАМПИОНИ: 1993/94 ДИНАМО КИЕВ - БАРСЕЛОНА
Украинскиот клуб е еден од ретките кои два пати ја понижувал Барселона (сетете се на чудесната вечер на Шевченко и Ребров на „Камп Ноу“). Три години претходно, Динамо Киев ја поразил Барса со 3-1 пред 60.000 гледачи. Головите ги дале Шкапенко и Леоненко (2) за Украинците, а Куман од пенал за Барса.
Во реваншот, во „котелот“ на Камп Ноу, Гвардиола, Бакеро, Лаудруп, Ромарио, Куман и Бегиристан биле решени да тргнат на сè или ништо. Со погодоците на Лаудруп и Бакеро, после 18 минути веќе било 2:0 за пеколен делириум на стадионот, но Сергеј Ребров ги оладил со гол во 28’ минута.
По стартот на вториот дел Бакеро во 48’ минута и носи на Барса 3:1 а Куман во 73’ ја запечатува победата.
