- Последниот дуел помеѓу овие две екипи е финалниот меч од Лигата на шампионите во 2012 година кога на Алијанц арената Баварците беа поразени од тимот на Челси на пенали кој под водство на Роберто Ди Матео за прв во својата историја му се радуваа на пехарот.
- Покрај на финалниот меч од Лигата на шампионите овие два тима се сретнаа и во четвртфиналната пресметка на ова натпреварување во 2005 година кога Жозе Мурињо со Челси ги мина Баварците со вкупен резултат од 6:5.
- Како победник на Супер Купот со Барселона во 2009 и 2011 година, Гвардиола вечерва може да стане единственот тренер кој ќе го подиге пехарот три пати. По два пати го освоија и Алекс Фергусон, Карло Анчелоти, Луис ван Гал и Ариго Саки.
- Гвардиола и Мурињо како тренери на Барселона и Реал се сретнаа 11 пати. Гвардиола е поуспешен со 5 победи, додека Мурињо триумфирал два пати.
- Португалскиот стратег во 2010 година со тимот на Интер ја елиминираше Барселона на Гвардиола во полуфинале од Лигата на шампионите.
- Баерн Минхен влезе во новата натпреварувачка сезона како екипа кој сруши фантастични 30 рекорди во Бундес лигата и единствен тим кој во иста година ги освоил првенството и купот на Германија, како и Лигата на шампионите. На последните 36 меча има 32 победи на сите натпреварувања.
- Летово Баерн Минхен се засили со Марио Гетце (Борусија Дортмунд), Тијаго Алкантара (Барселона) и Јан Киркоф (Мајнц), а си заминаа Марио Гомез, Луиз Густаво, Емре Кан, Нилс Петерсен и Анатоли Тимошчук.
- На Стемфорд Бриџ во овој преоден рок пристигнаа Вилијан и најново Самуел Ето (Анжи), Андре Шурле (Баер Леверкузен), Марко ван Гинкел (Витезе) и Марк Шварцер (Фулам). На позајмица заминаа Тибо Куртуа, Марко Марин и Риол Ромеу, а Јоси Бенајун, Флорент Малуда, Рос Торнбул, и Џефи Брума ги сменија клупските бои. Паоло Фереира се пензионираше.
