Од што цело време им текнуваат нови натпреварувања, како да се малце, УЕФА веќе внесе конфузија и кај админот на Твитер, кој направи кардинална грешка. Објавија дека се пуштени во продажба билети за мечот Реал Мадрид - Рома, а такво финале не постои. Во Супер Купот на Европа се среќаат Реал како освојувач на ЛШ и Ајнтрахт Франкфурт како освојувач на ЛЕ. Рома ја освои Конференциската лига, така што нека не се трчаат навивачите по карти и прво нека проверат кој игра во Финска следениот месец.

Додека синоќа целото внимание беше свртено кон квалификациите од ЛЕ и гостувањето на Тотенхем во Скопје, на Пушкаш арената во Будимпешта, Баерн Минхен ја совлада Севиња 2:1 во Супер Купот на Европа со гол во 104-та минута и смести нов трофеј во витрината. Мануел подиве.

Ковидот внесе конфузија во фудбалската шема и сега се испреплетија и закаснија многу натпреварувања. Не се знае што се доигрува од прошла, а што стартува во новата сезона. Ред е да разјасниме, ама и да му се радуваме на месецов. Ќе биде многу богато. 

Нема тоа: Гости ќе ни дојдат, ај да ги шетаме децата во Џамбо или кој ќе те трпи два саати со фудбалот. Туку има ова:

Лига Европа е ситна риба во однос на Лига на шампиони. Фондот за тоа натпреварување е четири пати послаб од најелитниот. Едно реми да изиграш во ЛШ и во клупска каса ти легнуваат 900.000 евра. Годишен буџет за еден македонски клуб. Од прилика.

Браќата Тео и Лукас Ернандез ќе се сретнат еден против друг на 15. август во борба за Супекупот на Европа кога ќе играат Реал Мадрид - Атлетико Мадрид.

Градоначалникот на Скопје ги посети фан зоните каде ќе има музичка програма а на прашањето на новинарите за кого ќе навива утре, имаше занимлив одговор.

На 46 дена до одржувањето на најголемиот фудбалски спектакл во Македонија, на стадионот нѝ најдоа толку недостатоци што човек кога ќе ги прочита ќе го фати страв на крај да не испадне македонската, па да ни речат повеќе среќа следниот пат.

Се надеваме дека нема да има потреба да ѝ правиме репост на ова објава.

Сезоната уште непочната, а Реал Мадрид го освои првиот трофеј, втор за Зинедин Зидан како тренер на Кралевите кого го потсетија како се слави.

Дани Карвахал е човекот кој не дозволи да има пенали во финалето на Супер Купот, кој трет пат оди во рацете на Реал Мадрид. Претходно специјалистот за голови во финале, Серхио Рамос го спаси тимот од пораз во 93 минута. Тимот на Зидан беше без Роналдо, Бејл, Пепе и Крос.

На 24 август 2001 година, Ливерпул го победи Баерн Минхен 3-2 и го освои Супер купот на Европа. Стрелци на головите за Црвените беа Рисе, Хески и Овен, а за Баерн Салихамиџиќ и Карстен Јанкер.

Барселона и Севиља како победници на ЛШ и ЛЕ, вечерва на Микеил Мешки во Тбилиси ќе се сретнат во финалето од Супер купот на Европа. Ве потсетуваме четирите освоени трофеи на Барса преку головите на Стоичков, Луис Енрике, Ривалдо, Педро, Меси...

Фудбалската федерација на Македонија го претстави планот и пехарот за историското случување во Скопје наречено Супер куп на Европа.

Извршниот комитет на УЕФА на 29 јуни ќе соопшти кој ќе биде град домаќин на финалето од Супер купот на УЕФА во 2017 година. Повикувајќи се на свои извори од УЕФА, порталот Екипа тврди дека веќе сме ја добиле кандидатурата.

Натпреварот кој важи за круна на минатата сезона од европските натпреварувања му припадна на големиот фаворит Реал Мадрид, кој со двата гола на Кристијано Роналдо ја совлада Севиља и го смести вториот пехар во своите витрини од Супер Купот на Европа.

Фудбалерите на Баерн Минхен кои до 120 минута беа на прагот на пораз, го однесоа финалето од Европскиот Супер Куп на пенали со гол во последните мигови од средбата, израмнувајќи на 2:2. Лукаку беше единствениот фудбалер кој промаши од 11 метри, а тоа значеше прва титула за Пеп Гвардиола во новата ера во Минхен.

Двајцата довчерашни ривали во шпанскиот фудбал немаат никаков допринес за патот на Челси и Баерн Минхен до финалето на Супер Купот во Прага, но судбината сакаше токму тие двајца да ги одмерат силите како нови стратези на освојувачите на двете клупски европски натпреварувања.