Според истражувањето на магазинот France Football, освојувачот на „Златната топка" годишно заработува околу 33 милиони евра.
Тој од Барселона има плата од 10,5 милиони евра (875.000 евра месечно), а од бонуси и награди заработува 1,5 милини. Тој најмногу, дури 21 милиони евра заработува од маркетинг, снимање реклами и спонзорски договори.
Втор најдобро платен фудбалер е ветеранот Дејвид Бекам кој годишно заработува 31,5 милиони евра, но само 4,8 милиони му се плата од ЛА Галакси, а останатите 26 милиони евра ги заработува од реклами.
Португалецот Кристијано Роналдо од Реал Мадрид заработува 13 милиони евра плата, а надвор од терените добива дополнителни 15,5 милиони, односно тој годишно вкупно заработува 29,2 милиони евра.
Најдобро платен тренер на планетата е Жозе Мурињо кој годишно заработува 14,8 милиони евра. Втор е сегашниот тренер на ПСЖ, Карло Анчелоти со 13,5 милиони евра.
