Херојот кој беше главен актер во кампањата на УЕФА „Equal game“ и кој е одличен пример за храброст и упорност во животот пристигна во Манчестер на покана на Пол Погба.
Тој е сместен во хотелот Лаури каде престојува Жозе Мурињо и каде обично се собира тимот во карантин пред важни натпревари.
Јане се сретна со Фелаини, Санчез, Матиќ и ред други фудбалери на Манчестер кои му подарија дрес со автограми, а денеска се очекува лично да се запознае и со својот идол Погба со кои си праќаа пораки.
Вечерашниот натпревар од Лига на шампиони меѓу Манчестер и Севиља ќе биде остварување на уште еден негов сон, бидејќи тој ќе има можност да го гледа на Олд Трафорд.
