АРГЕНТИНА - ФРАНЦИЈА 3:3 после продолженија (4:2 на пенали)
/Меси 23', 109, Ди Марија 36' - Мбапе 80' пен., 82', 118 пен/
Крунисање на кралот, месец декември 2022-ра. Три светски шампионски титули за Аргентина во историјата: 1978, 1986 и 2022.
Поезија, драма, бајка. Така може да се опише финалето на Светското првенство кое го освои Аргентина со капитенот Лионел Меси.
„Гаучосите“ одиграа одличен прв дел. Доминираа во секој сегмент од играта и заслужено после 36' минута игра водеа со убедливи 2-0.
Најпрвин Лео Меси од пенал го отвори резултатот. Тоа беше воедно шести негов гол на Мундијалот а стана рекордер и со 26 одиграни средби на Светски првенства што е апсолутен рекорд.
svetski-shampioni-posle-nevidena-drama.mp4"]
Набрзо аргентинските навивачи во екстаза ги фрли и Анхел Ди Марија со погодок за 2:0. Танго се играше на теренот во тие моменти.
1 - Lionel Messi is the first player to score in the group stage, round of 16, quater-final, semi-final and final in a single edition of the World Cup. Prestige. pic.twitter.com/jnisNEa8F5
— OptaJoe (@OptaJoe) December 18, 2022
Францускиот селектор Дешан во 41' минута од мечот направи храбра одлука со две измени (Коло Муани и Маркус Тирам намето Оливие Жиру и Усман Дембеле) што не се случило никогаш во едно финале. Очигледно предводникот на „триколорите“ сакаше да направи шок терапија што подоцна се испостави како прав потег.
До крајот од првиот дел искусно и рутински Аргентинците ги затворија сите приоди кон својот гол, па на одмор се замина со голема предност за репрезентацијата на Лионел Скалони.
Во првиот дел Франција немаше ниту еден шут на гол на противникот што не им се случило никогаш во големите финалиња.
Вторите 45 минути донесоа спектакл.
Аргентинците до 80' минута гранитно го чуваа својот гол, но тогаш на сцена стапи човекот кој уште повеќе го разубави ова големо финале. Килијан Мбапе. По фаулот на Отаменди, судијата Марчињак оправдано досуди пенал а Мбапе го реализираше за 2:1.
Момент кој како да ги смрзна избраниците на Скалони, па во хаотична одбрана не најдоа решение за брзите напади на Франција која после само една минута израмни 2:2 по сјајниот гол на Мбапе.
Во 90+7' минута Меси со фантастичен шут можеше да донесе крај на драмата, но Уго Лорис одбрани спектакуларно и мечот отиде во продолженија.
А таму следеше нова драма
Во 109' минута кога се водеше страшна битка за секоја педа од теренот, Аргентина по една контра одново поведе! Стрелец кој друг ако не Лео Меси за 3-2.
И кога светот очекуваше дека тука е крајот, Франција реши да зададе нов удар. Тргнаа со сите сили во офанзива и тоа им се исплатеше откако добија нов пенал, повторно оправдано по играње со рака на аргентински фудбалер во својот шеснаесетник.
Во 117' минута реализатор Килијан Мбапе! Хет-трик со кој стана најдобар стрелец на Мундијалот со дури 8 гола и рекордер во едно големо финале.
После ова и на двете страни имаше луди шанси, но семафорот на крај покажа 3:3. Се прејде кон пенали.
А таму јунак голманот на Аргентина Емилијано Мартинез со нови бравури во пенал серија по она со Холандија во четвртфиналето.
Мбапе - 0:1
Меси - 1:1
Коман - промаши
Дибала - 2:1
Чуамени - промаши
Паредес - 3:1
Коло Муани - 3:2
Монтиел - 4:2
3 - Lionel Scaloni is the third manager in history to win both the World Cup (2022) and Copa América (2021), after Mário Zagallo (1970 World Cup, 1997 Copa América) and Carlos Alberto Parreira (1994 World Cup, 2004 Copa América), both of whom did so with Brazil. Mantelpiece. pic.twitter.com/yaaXYUkDJA
— OptaJoe (@OptaJoe) December 18, 2022
