Илјадници Аргентинци ја запоседнаа Копакабана пред финалето, излегла војска

Ваква фудбалска грозница одамна немало во Јужна Америка. На нозе е цел Рио де Жанеиро, а властите на улица ја извадиле и војската. Причина: утре од 21:00 се игра големото финале на Копа Либертадорес меѓу Флуминенсе и Бока Хуниорс на култната „Маракана“ во Рио де Жанеиро.

Копа Либертадорес е најпрестижен турнир во цела Јужна Америка. Исто како Лига на шампиони за Европа.

Сите дуели на овој континент се мега фешта, но посебна приказна се пресметките меѓу бразилските и аргентинските клубови кои носат посебна драж, но и посебен безбедносен ризик.

Дополнителен проблем за службите е што овој викенд во Рио е закажан и концерт на популарниот рок бенд Ред Хот Чили Пеперс.

За аргентинските навивачи е познато дека би отишле да го гледаат својот тим и на Марс, а не во Бразил. И покрај апелите од властите на двете земји навивачите да се воздржуваат од групни собири и да прават метеж, тоа е просто неизбежно.

Во последните неколку дена во Рио де Жанеиро каде големо финале ќе играат Бока и Флуминенсе кои ќе се борат за пехарот, пристигнале речиси сто илјади навивачи на Бока.

Тоа бил дополнителен повод на и онака не баш сигурните улици во Рио да излезе војската. Навивачите на Флуминенсе искористиле прилика да се пресметаат со гостите од Буенос Аирес, а во повеќе поединечни случаеви неколку навивачи на Бока биле ограбени од локални џепароши.

Навивачите на Бока се собрале на Копакабана:

За време на забавата на култната плажа Копакабана каде илјадници навивачи на Бока пееле навивачки песни, влетале навивачи на Флуминенсе со цел да се пресметаат но набрзо реагирала полицијата и спречила посериозни инциденти.

3 ноември 2023 - 11:47

Штета ако сте пропуштиле

Рамковни тарифи

Џабе се пакувавте

Битола го има Свежио

Човекот кој можеше да ги отпее сите таги на светот