Холандија ја продолжи победничката серија на 19 меча без пораз откако попладнево во Доха предводени од неверојатниот офанзивен десен бек Думфрис од Интер кој имаше 2 асистенции и 1 гол, ги елиминираа САД од понатамошните борби.
Дензел Думфрис прво им намести два гола на Мемфис Депај и Дејли Блинд во првиот дел, за да во финишот во 81' минута при незгоден резултат 2-1 за „лалињата“ со убав гол да стави печат на мечот. Единствениот гол за Американците го даде шпицот Рајт во 76' минута.
Дензел Думфрис така стана само втор бек уште од далечното Светско 1966-та кој имал две асистенции и гол на Мундијал. Претходно Унгарецот Јожеф Тот на меч со Ел Салвадор во 1982-ра постигнал погодок и наместил два. За Холанѓаните ваква партија со 2+1 немало уште од Јохан Кројф во 1974-та.
Дензел е супер јунак на големите натпреварувања. Тој стана ѕвезда и на Евро 2020 кога Македонија беше во група со Холандија.
Холандија во 1/4 финале ќе игра против подобриот од мечот Австралија - Аргентина.
