Хименез му донесе титула на Мексико и ја посвети на Жота

Најдобриот мексикански центарфор последниве години, Раул Хименез од Вулверхемптон, синоќа беше главен играч во финалето на Голден Куп меѓу САД и Мексико. Тој излезе на терен со дрес со број 20 и презимето Жота на грбот во знак на сеќавање на неговиот трагично загинат другар и соиграч од времето во Вулвс. Хименез потоа постигна гол за израмнување и го посвети на Жота со имитација на џојстик како потсетување на дружбите со Португалецот.

Раул Хименез од времето кога играше во тандем со Жота во Вулверхемптон постигна 11 погодоци на асистенција на Диого и тој му беше најдобар соиграч во кариерата. А Жота само со Мохамед Салах имаше поголема ефикасност на теренот но очекувано затоа што играа и многу повеќе заедно.