Со години ги спречува противниците да даваат голови, но сега првпат се случи и Џиџи Буфон да наиде на затворена врата.
Тоа се случи во вторникот вечер, по натпреварот од Лигата на шампионите кој Јувентус го играше против Борусија Менхенгладбах, клубот за кој Џиџи имал симпатии уште како мал затоа што не можел правилно да го изговори.
„Отсекогаш ме интригираа како екипа затоа што не можев правилно да ги изговорам. Сега ги изговорам подобро, но се плашам дека сè уште не идеално“, одговори во шега капитенот на Бјанконерите.
Од таа причина, како симпатизер на Менхенгладбах, вторникот требаше да биде посебен момент за Џиџи. За првпат во 20-годишната богата кариера гостуваше во Менхенгладбах.
По натпреварот, на германските навивачки форуми се развила дебата за случката. Никому не му се допаднало тоа што Буфон останал со празни раце. На крајот се огласија и навивачите на Гладбах кои после средбата му се извиниле на легендарниот италијански голман.
„Никој од нас не знаел дека Буфон има симпатии за нас. Од друга страна, навивачите беа разочарани од крајниот резултат и можеби затоа така изреагирале по ремито“.
Страшните одбрани на Буфон во вторникот:
