Горан Пандев е прогласен за олимписки великан и светец

Првото навистина, второто фигуративно како паралела за тоа од колкава важност е неговото присуство во репрезентацијата и тоа што го направи за неа. Не заборавајте дека селекцијата ја носи на плеќи со 37 години. Не се раѓа пак ваква легенда.

Од дебито за националниот тим во 2001, Пандев стана персонификација на македонскиот фудбал кој виде сè и учествуваше во сè. Играше за Македонија и кога во 2008 бевме со најдобриот пласман на ФИФА како 46-та фудбалска земја, па се до најлошиот пред три години како 166-ти.

Имаше навивачи и кои го оспоруваа дека не се трудел доволно за репрезентација и дека не го давал максимумот, па дури и го свиреа на Градски, но тој направи џентлменски потег. Се врати, изгина за дресот на Македонија и ја однесе на Европско. Појако од ова ни на филм.

Има многу што да се каже и издвои од нашата најголема ѕвезда со рекордни 114 настапи и 36 голови, кој дефинитивно го заслужува епитетот фудбалска икона. Не го величиме само ние, туку уште еден куп медиуми од регионов, Италија и Европа.

Новиот претседател на Македонскиот олимписки комитет, Даниел Димевски соопшти дека ќе биде прогласен за Олимписки великан на МОК.

А на Твитер налетавме и на ваква фотографија.

СВЕТИ ПАНДЕВ!!! #PANDEV pic.twitter.com/TP5JBLQiZ9
— Footbla (@FootblaDigital) November 12, 2020

Да, имаше и такви кои не разбираа што е тоа Лига на нации, дека премногу сме ја кревале во небо репрезентацијата бидејќи противниците биле аматери, па дури и дека било глупост. Што ли ќе кажат сега таквите контраши.

To anyone who thinks the Nations League is stupid, ask any Macedonian how they’re feeling right now. A great concept which allowed new countries to qualify for the Euros for the first time. Beautiful to see.

Congratulations to Macedonia 👏🏻🇲🇰 pic.twitter.com/W02Lnt8F2u
— TR (@TacticalRole) November 12, 2020

„Многу сум среќен и возбуден. Одигравме голем натпревар и остваривме голема победа за нашиот народ и за сите нас. Сонот ни се оствари. Одиме на Европско“.