Ги знаете најразгалените навивачи на светот?

Синоќа Реал Мадрид со 5-2 во продолженија ја совлада Селта Виго во шпанскиот Кралски Куп и се пласираше во следната рунда. Пред почетокот на мечот, кога фудбалерите на Реал истрчаа на теренот, голем број навивачи на полниот „Сантијаго Бернабеу“ ги исвиркуваа. Во знак на, пази, лутина поради тоа што изгубиле од Барселона во Супер Купот. Лути биле господата.

Претходно во најавата на играчите од спикерот, жестоко ги исвиркаа Карло Анчелоти и Орелиан Чуамени:

😱 Le public du Santiago Bernabéu s’en prend à Aurélien Tchouaméni et Carlo Ancelotti ! @damiancasol pic.twitter.com/fWrKXmfHty
— Le Journal du Real (@lejournaldureal) January 16, 2025

Интересно, иако резултатот покажува убедлив триумф, Реал Мадрид го оствари дури во продолженијата затоа што во основниот дел беше 2:2. Во продолженија Реал за неколку минути даде три гола и осигура пласман во следното коло од Копа дел Реј.

Стрелци на сите погодоци за „кралевите“ беа Мбапе, Винисиус, Ендрик два гола и Федерико Феде Валверде. За Селта погодуваа Џонатан Бамба и Маркос Алонсо од пенал.