Аугзбург и наочарите на Јирген Клоп

На германскиот клуб му претстои двомеч со Ливерпул во Лигата на Европа. Од таа причина на официјалниот Твитер на Аугзбург излезе слика со натпис: „До нашиот меч во Лига Европа остана уште помалку од еден месец. Мора да бидеме спремни за доаѓањето на Клоп и компанија".

Постот беше алузија на наочарите на Јирген Клоп кои му ги скрши Кристијан Бентеке при прославата на голот на Лалана против Норич во ’94-та минута од мечот. Во гужвата при радоста, Бентеке му ги скршил, а Клоп после натпреварот изјавил „Имам уште еден пар нови со кои изгледам како сериски убиец“.