Аргентинците снимени со скандалозна песна, Челси со реакција

Јужноамериканците страствено ги слават победите и траорно ги жалат поразите. Така после големото финале на Копа Америка кое го доби Аргентина против Колумбија со гол на Лаутаро Мартинез во продолженијата, Аргентинците во својот автобус при славјето ја пееле скандалозната песна на сметка на Французите: „Играат за Франција а родителите им се од Ангола. Мајка од Камерун, а татко од Нигерија, а викаат пасошот им бил француски“.

На видеото во прв кадар се гледа Енцо Фернандез, фудбалерот на Челси кој најгласно ја пее песната. Тој откако излезе снимката јавно се извинил, напишал подолга објава на друштвените мрежи во која вели дека искрено се кае за тоа што го пее во видеото, дека песната има пренавредлив карактер и апсолутно нема оправдување за тие зборови.

Во меѓувреме неговите соиграчи од Челси Весли Фофана кој игра за Франција и Мало Густо пишале како е сулудо расизам да има во 2024-та година, а тие двајца и нивниот колега од Челси стоперот Дисаси го отследиле Енцо Фернандез од друштвените мрежи.

Here is Enzo Fernandez and Argentina players celebrating that Copa America win by singing that racist France chant from the 2022 World Cup pic.twitter.com/pxoaX2MApE
— GC (@ValverdeSZN) July 15, 2024