Откако цела деценија прописно го исчашуваше вкусот на цела една генерација со симулирање егзотика, пари, коли и брендови, раперот и продуцент Слободан Вељковиќ Цоби („Тешко сељачиште и исто толку непретенциозен и врхунски талент“ - Адо) јако врти („Кажи кад окреќеш да се држимо, испопадасмо!“ - Ѕинго) накај реализмот на јужњачкото секојдневие. Наместо лажен гламур, реален живот. Во таквиот живот поразите не се бројат туку се подразбираат. 

Moltbook е социјална мрежа создадена исклучиво за агенти на вештачка интелигенција. Таа за ВИ агентите е нешто како Редит и слични платформи за луѓето, место каде автономните софтверски агенти, без човечко учество, разменуваат пораки, коментираат, гласаат и формираат заедници. Има пар загрижувачки информации од тој свет. Накратко, од автономни, вештачките агенти веќе одат накај тоа да станат автокефални.  

„Само имам вечерано со него и тоа е сè“, викаше Бил Гејтс кога го прашуваа за неговиот однос со озлогласениот Џефри Епстин. Во најновата транша фајлови се спомнува епизода кога Бил Гејтс закачил трипер или слична сексуално пренослива болест од „руските девојки“ на Епстин. И барал совет каков антибиотик може да ѝ подметне на својата сопруга без таа да забележи. 

„Песната ја напишав во саботата, ја снимив вчера и ви ја давам денес,“ напиша деновиве Брус Спрингстин за протестната песна која ја посвети на „нашите невини мигрантски комшии“ и на семејствата на двајцата луѓе кои настрадаа од агентите на Бирото за имиграција. Налик на насловот на неговиот можеби најголем хит за Филаделфија, оваа песна се вика „Streets of Minneapolis“ 

За да го оправда сè поголемото воено присуство во тој регион, американскиот државен секретар Марко Рубио објаснува дека САД имаат 30-40 илјади американски војници на Блискиот исток кои можат да бидат потенцијлано загрозени па татковината мора да ги брани. Да го довршиме насловот: Како не му е срам на Иран да биде толку блиску до американскиоте бази? 

Малкумина знаат дека една од жртвите на опсадата на Ленинград бил брат на рускиот претседател. Виктор Путин бил роден 1940, умира на само две години, од изгладнетост и дифтерија во детски центар каде бил пратен за посигурно. Детето е погребано во масовна гробница. Многумина знаат (ама се прават на будали) дека само за одбрана на Ленинград, Русија дала повеќе жртви отколку комбинираните воени загуби на САД и Британија во целата војна.    

Пoлицаец предупредува демонстрантка да не го изговара политичкиот ерес кој гласи „Слободa за Палестина, од реката до морето.“ Просто, забрането. По потпишувањето на прекинот на огнот меѓу Израел и Хамас лани во октомври, канцеларот Мерц рече дека „веќе не постојат причини да се демонстрира за Палестинците.“ Од тогаш до денес, од страна на Израел се убиени околу 490 Палестинци. Од реката до морето.

Пингвините се жилави суштества. Преживуваат во едни од најбруталните услови на Земјата благодарејќи на микс од социјална кохезија и тврдоглавост. Имаат големо его, хаотичен сексуален живот и обично, жесток нагон за преживување. Но, понекогаш, пингвинот едноставно знае да пукне. Наместо со своите, знае да се упати во спротивен правец, далеку од храната и заштитата, во сигурна смрт. 

Низ солзи, девојка од Авганистан вика дека би сакала господ никогаш да не создадеше жена, бидејќи таму тие се полошо третирани од животните. Тие барем можат слободно да се движат, овие од куќа не смеат да излезат. Талибанците забранија школо за девојчиња постари од 12 години а во кривичниот закон неодамна воведоа термин „роб“. Ја нема Грета Тунберг, нема протести на Запад, нема ставање профилни слики за поддршка на Фејсбук...

Повеќето возачи немаат идеја колку блиску е блиску кога поминуваат покрај велосипедисти. За да го осетат тоа, возачи на автобуси во Мексико се ставаат на статични велосипеди за вежбање, додека автобус проаѓа на сантиметри покрај нив. Не за да се казнат туку за да ја осетат перспективата и ранливоста на другите за која обично не водат сметка, заштитени во големите метални кабини.

Првата реченица во Ана Каренина на Толстој, во оригинал гласи:"Все счастливые семьи похожи друг на друга, каждая несчастная семья несчастна по-своему." На нашки: „Сите среќни семејства наликуваат едно на друго, секое несреќно семејство е несреќно на свој начин.“ За професорот Мајкл Кларк, тоа е идеален опис на денешна Европа: збир на семејства, секое несреќно на свој начин.  

Имате институт кој се занимава со експриментирање со коронавируси во Вухан, Кина. Во истото место се појавува нов, дотогаш непознат коронавирус. Не само што не беше дозволено да врзеш два со два, туку секој беше сомнителен ако не верува во приказната со лилјаците. И не е толкав проблем кога политичари лажат (сме виделе), ама кога научниции ќе бидат дел од лагата, тогаш остануваме на бришан простор. 

Градоначалникот на Чикаго постојано ги охрабрува луѓето наместо да влезат во автомобил, да го користат јавниот транспорт на градот. Некој решил да пројде, да сними и да покаже како изгледа тоа. Конкретно, на Сината „Л“ линија, долга 43,3 километри. Мечка страв, мене не страв. Да изгледа вака јавниот транспорт кај нас, ќе биде пиштење-вриштење по Фејсбуци.  

САД се зафатени со силен зимски циклон, од Ново Мексико и Тексас до Нова Англија, кој им го комплицира животот на околу 200 милиони луѓе. Зафатен е и Далас каде изнаврнало меѓу 7 и 12 сантриметри снег. Но, тоа не е ништо за најнапредната технолошка земја на светот (која има и дискомбобулатор). Веднаш извадија силна механизација на терен. Кинезите се фаќаат за глава, на Стојанче лиги му течат....  

Ноќта кога се родил Семјуел Клеменс, Халеевата комета блеснала на небото на Мисури. Било тоа на  30 ноември 1835 година. Кометата штотуку го извела своето најблиско поминување до Сонцето. Неговата мајка тоа го сфатила тоа како знак - можеби нејзиното мало, кревко бебе сепак ќе преживее и ќе биде долговечно. Не само што преживеа и беше долговечно туку и стана Марк Твен.

40 годишниот американски алпинист Алекс Хонолд постигна неверојатно луд потфат. Сам, без сигурносни јажиња и друга заштита се искачи на небодерот Тајпеј 101. Тоа е 11-тата највисока зграда во светот, со 101 кат и 449 метри над земја. Се искачуваше точно еден час, триесет и една минута и 35 секунди. И таму најгоре направи селфи. Да му го знаевме бројот, ќе му вртевме дур се пентари.

Зеленски жестоко ја нападна Европа во Давос. Дека не знаат да се бранат, дека се ништо без Америка, дека се салата, фрагментиран калеидоскоп од мали и средни парченца. Ги праша кога праќаат 14 или 40 војници во Гренланд, каква порака испраќаат со тоа? Му дадоа овации и не наjдoа за потребно да го прашаат, Владимир, од чии пари ти живееш?

За да им долови на луѓето од некој прогресивен овразовен одбор дека човек не секогаш е она што се замислува дека е, жена се облекла и нашминкала како мачка. „Затоа што изгледам како мачка и ви велам дека се чувствувам како мачка, дали ми верувате дека сум мачка? Не ми верувате. Зошто? Затоа што сте нормални. Е, па...“

Во време кога христијанството во САД континуирано губи муштерии, на една конфесија ѝ оди зачудувачки добро. Последниве пет години во православие преминале преку 100.000 Американци. Главно млади а ги има од различни профили; и верници од други вероисповеди и атеисти. Што е тоа што православието им го нуди на овие лиѓе а не го наоѓаат кај другите гранки на христијанството?

Во налет на задоцнета памет и совест, екс директорот на Американскиот центар за превенција и контрола на болести денес вика дека ковид вакцините не ни требало да ги викаме вакцини затоа што никогаш и не биле наменети за спречување на инфекцијата и трансмисијата. Требало да ја сметаме за лекарство, поучува Роберт Редфилд. Само што како лекарство, не можеше да биде наметната како задолжителна, јелда?   

Ромео е преубав петгодишен капиталец од моделот Шарпланинец. Го подвргнуваат на третман (тримање, педикир, како ли се вика тоа) кој обично е наменет за сватки мави кученца како померанци, малтезери, ши цуа и слични салонски експонати. И како на секој вистински претставник на балканските соеви, на Ромео од почеток до крај не му е јасно чуму сето тоа. А мирен, мек, памук.

Девојка од Јапонија се преселила во Естонија затоа што тамошна фирма ја ангажирала. Само 28 дена подоцна, фирмата рикнала и таа останала без работа. Во меѓувреме, на Малта таа запознава наш дечко и решава да се пресели кај нас, „најубавата земја на планетата“. „Јапонија, Естонија, Малта, Македонија,“ сумира комичарот. „Кога би се раскажала оваа приказна обратно, би звучело како успешна приказна“.  

Oвој паралелен универзум, во кој бега голем дел од младината, заситена од „мрчењата“ и „смарањата“ од постарите, полека почнува да се трансформира од микро космос во огромна црна дупка, која неминовно ќе нè проголта сите нас од „меинстримот“. Знаете ли каков е статусот на Бака Прасе, кој со месеци го држи на Инстаграм?

Девојката нарачала пилешка салата. Ѝ донеле пилешка салата. Ете проблем, во пилешката салата  имало - пилешко! Па нарачавте пилешка. Да, ама јас сум вегaнка. И инфлуенсерка сум, требаше да знаете дека сум вегaнка. А зошто не нарачавте само салата? Затоа што ми се допаѓа Цезар сосот. Патем, во тој сос има жолчка од јајце и инчуни. Ама, инфлуенсерка е.