Интересен гостин имаше Пирс Морган за војната меѓу Израел и Хамас. Египетскиот комичар Басем Јусеф кој издоминира со црн хумор, факти и многу сарказам, кој, додуша, на моменти стануваше пасив - агресив. Морган невообичаено повлечен, особено откако соговорникот иронично му кажа: „Знам, знам, ти си од добрите дечки“. А овој не е навикнат да е од добрите.

На седми октомври Хамас изврши брутално жесток напад на Израел и оттогаш Израел се одмаздува со брутално жестоки напади на Газа. Дали смее да ви е жал за сите жртви? Апсолутно не, мора да одберете страна, објаснува The Onion (кромид, ви текнува?).

Девојка од публика се расплака затоа што говорникот немал обзири и почит кон народот кој најмногу страдал од нацистите. А татко му на безобзирниот говорник бил во Аушвиц, мајка му во логорот Мајданeк. Следи жестока лекција по принципиелност од Норман Финкелстајн, политички научник, експерт за израелско - палестинските односи и политиката на Холокаустот.

Нa патот Изола- Копер (Словенија), возило врти во погрешен правец и на него налетува друго возило. Оваа што врти имала 60 години, во неа удира возило управувано од 50 годишна жена. Едно лице е потешко а друго полесно повредено. Најјако е што оваа што е крива, најпрописно даде жмигавец дека ќе оди лево.

Грегори Доран (режисер и еден од врвните светски шекспиролози), објаснува како се родил еден скеч со Хамлет и неговата најпозната реплика: „Да се биде или не, прашање е сега“. Поконкретно, што од тоа треба актерски да се акцентира. Да видите до каде можат да одат тие дилеми околу една обична реченица и кој сè упаѓа на сцена. Генијално.

Поранешниот премиер на Израел, Нафтали Бенет, во разговор со британски Скај њуз го дочекуваат со прашања од типот што е со бебињата и старците во Газа. Бенет (кој уште во првите часови од упадот облече униформа и се пријави за служење) неќе ни да чуе, ако Хамас не мислел на нив, нема што Израел да мисли на нив.

Снимката доаѓа од украинскиот фронт од припадник на една од чеченските единици која се бори на страната на Украина. Човекот има проблем со дволичноста, откако Киев изрази поддршка за Израел во борбата против палестинските терористи. Неговото равенство вели ако Палестинците се терористи затоа што се обидуваат да ја ослободат својата територија, тогаш и Украинците се терористи затоа што се обидуваат да ја ослободат својата држава од руската окупација.

Оној злотвор и претстедателски лузер, Хилари Клинтон, вика дека фановите и симпатизерите на Доналд Трамп се како членови на секта и дека треба да се соочат со некакво „формално депрограмирање“. Ај уште еднаш - формално де-про-гра-ми-ра-ње. На 70-тина милиони луѓе. Па Менгеле не беше волку амбициозен. 

Илон Маск го ретвиташе ова видео старо девет години во кое Џон Стјуарт (Јон е со еврејско потекло, вистинското презиме му е Лебовиц), смислил одлична показна вежба што се случува ако некој се дрзне да ја преиспитува човечноста на израелските политики. Дечки, тоа не значи дека тој автоматски е за Хамас, порачува Стјуарт во неговите златни времиња.

„Дали осудувате“ и „Дали се оградувате“ се зицер новинарски  прашања со кои соговорникот го држиш на узда, прикован на пожелниот наратив на темата, без да  му дадеш шанса да ја одзумира сликата и да ги прикаже работите во контекст (пред да осудува и да се оградува). Тоа го проба БиБиСи со шефот на Палестинската мисија во Англија, Хусам Зомлот. Не им успеа.  

Џон Ленон деновиве ќе полнеше 83 години. Фанови на Битлси решија да се соберат и да го прослават денот со песна. Се разбира, во Строубери филдс, дел од њујоршкиот Централен парк посветен нему. Ах, да дојдеше и Јоко, па да запее и таа, па да се разбегаат сите ко глувци.

Еден рабин кој порачува дека христијаните не треба да му се молат само на еден Евреј (Исус) туку  на сите Евреи зашто тие секој ден гинеле за нашите гревови и се единствените кои нè чувале од Орките. И една муслиманска замлата од Њујорк кој знае која е исправната религија и порачува дека нема да сопрат додека Алах не стигне во секој дом.

Ако во светло на распаљотката во Газа и Израел, војната во Украина, вечното клокотење на Балканот, чистката во Нагорно Карабах, комплицираноста на Сирија... сакате да сфатите кој е со кого а кој против кого и притоа најдете соговорник спремен да ви одговори на дилемите, никогаш не одете до крај. Колку и да е трпелив човекот, секогаш ќе завршите вака.

Како што Хабиб ќе порача во едно интервју: како тоа ти планираш да станеш светски шампион ако не преспиваш попладне по два саати и навечер не си легнуваш во 21.00? Без разлика што ви рекламираат, еден од најсилните допинзи што можете здраво и бесплатно да ги направите е да легнете да спиете.

Максимум што можеш да направиш од хартија е фишек за семки, затоа што хартија сама по себе не може да држи течност. А ако сакаш да држи течност тогаш треба да и додадеш бариера што не пропушта течности, пример полиетиленска пластика, што пак решава еден проблем ама отвара сосема нов на тема здравје.

Откако на барање на Летерман наброи некои од работите кои гии има предвидено (и погодено), патrијархот на научната фантастика вика: „Не пробував јас да погодам, пробував да продадам некоја книга за да можам да си платам за школување“. Тоа е само еден детал од муабетот со овој прешармантен човек кој на крајот добацува и до интернет, подкасти... 

Сцена од Мекдоналдс кога девојка му свирела од кола на стариот пред неа затоа што предолго се задржал додека нарачувал, а потоа била засрамена кога овој ја платил и нејзината храна, односно на  нејзината грубост возвратил со добрина. Чекајте, не е тоа целата приказна.

Советникот на Бајден за национална безбедност, Џејк Саливен, за време на Атлантик фестивалот 2023:  „Регионот на Блискиот Исток денес е потивок отколку кога и да било во последниве две децении.“

Вежбата на Варуфакис гласи: Ајде да извадиме некое хипотетичко розево сценарио во кое утре во О.Н. почнуваат мировни преговори за Украина. Сите знаеме која светска сила кого ќе прати, а кој ќе прати Европа? Тек за Фон дер Лејен што има да каже.

Деили шоу (кое после Тревор Ноа е во потрага по стален домаќин) се држи најслабо со само 366.000 гледачи (во времето на Џон Стјуарт имале преку 2 милиона). Милион нема ни Сет Мајерс. Џими Фалон има 1,3 милиони што значи дека изгубил цел милион од оние што ги имал во 2017/2018-та. За споредба, просечна гледаност на подкаст епизода на Џоп Роган е 11 милиони.

Додека во Обединетите нации претседателот на Екваторијална Гвинеа Теодоро Обианг зборуваше за тоа како Африка недоволно се развива, неговиот син Тоедоро Нгема, правеше проверка на станот што го имаат изнајмено во Њујорк за 75.000 долари на ден за времетраењето на годишното собрание на О.Н. Теодоро помладиот инаку е потпретседател на Екваторијална Гвинеа.

Дел од видеата за безбедност на работа во Кина се базираат на вистинити настани што се случиле низ фабриките во земјата. Се работи за анимации во кои главно се отстранети сите ужаси од непочитувањето на правилата за безбедност, освен делот во кој умираш.

Репортажа од далечната 1984 година, за отпорот во Америка против тогаш новата обврска за задолжително врзување појаси во автомобил. Одлука која сигурно спаси многу животи но истовремено им даде идеја на државите дека имаат право колку сакаат да упаѓаат во нашите животи и одлуки.

1964-та година е, Дејвид има само 17 години и уште не е Боуви туку само Џонс. Гостува на BBC, но не како музичар туку како претставник на една нова цивилна група: „Здружението за спречување суровост кон мажи со долги коси“. Во тоа време, машките со долга коса биле исмевани, враќани од школо, викани „педерчиња“.... И ете го Боуви да се побуни против таквиот сељачизам.