Американскиот конгрес под притисок од јавноста пред 5 години одобрува финасирање за еден многу човечки проект (помош во лечењето на луѓето кои први пристигнаа да помогнат кај кулите близначки), што беше поздравено, и од двете страни промовирано како нивен успех и сериозно остварување на законодавците. Во септември завршија овие 5 години финансирање, но не и лечењето на луѓето (имаат рак), а конгресот одби какво било продолжување на проектот. Џон Стујарт пред 5 години беше еден од предводниците на иницијативата за овој проект.

Неповторливо добра анализа на ММА борба, која како за рецензија на тепачка носи многу силна, налик басна, порака. Коментаторов многу квалитетно го уништи тепачов.

Чак Бери е човекот од кого почна сè, ама апсолутно сè од она што денес го знаеме како рокенрол музика и нејзините мал милион деривати. А токму рифовите од неговата Johnny B. Goode сe оние кои ja дефлорираа музиката, ѝ ја одземаа дотогашната невиност и неповратно ја направија дрска и секси.

Уште еден од оние докази дека техниката е многу поважна од големината. Девојче руши соученик кој игра рагби во нивниот школски клуб.

Мулај Хасан е син на мароканскиот крал Мохамед Шести и принцезата Лејла. Престолонаследник е, еден ден ќе го наследи тронот на својот татко. А малиот веќе е аристократ кој не дозволува возрасните луѓе со кои еден ден ќе владее, уште сега да прават будали од себе. 

Застануваш кај што има снег. Секаде има. Почнуваш да сечеш блокови. Ги редиш во круг, еден над друг. Знаеш како, и ти успева затоа што си Еским и цел живот сечеш блокови и ги редиш во круг. Оп, иглу.

Колку плишани мечиња собира на игралиште за хокеј? Рекордот што е поставен во неделата на напреварот меѓу Калгари Хитмен и Свифт Курент Бронкос е 28.815. Сите овие мечиња потоа се собираат и се делат на околу 60 добротворни организации. ЕДИТ: отец Пимен реагираше со хокеарска брзина.

По примерот на соработката на некои од најголемите уметници, како Луис Буњуел и Салвадор Дали или Енди Ворхол и Жан-Мишел Баскијат, татко седнува и започнува колаборација со своите деца. Они цртаат, ко што цртаат дечурлана, а он после средува. Целата работа толку добро им оди, што други родители почнуваат да ги носат децата на цртање.

Доктор Роберт Зубрин е основач и претседател на Марс здружението на НАСА. Ова е неговиот брилијантен одговор на прашањето кое го знае како секој ден да го одговара пред самиот себе.

19 август 1954 година - 6 декември 2011 година

Перформансот е следен: девојка ја забива главата во нешто лебасто, и упорно продолжува додека комплетно не го раздроби парчето тесто. Зошто? Е зошто де...

 А овие двајца - се. Едниот има емисија за луто а за другиот е јасно ако знаете дека се вика Чили Клаус и важи за Мајкл Џордан на лутите пиперки. Откако ќе изгледате како симфониски оркестар свири под дејство на луто, доаѓа  вистинскиот предизвик. Пред себе имаат три вида пиперчиња. Од едните дури и слоновите повраќаат. А тие не се најлутите. Пазете го Чили Клаус какви "стомачни ритрни" преживува!

Тоа е едно од оние мали културни шокчиња кога наш човек ќе отиде во пристојна земја, па му застанува кола на пешачки а тој има чувство дека треба да го поздрави возачот, да го награди, да го благослови.... А возачов дури тогаш почнува да го гледа чудно што му станало на овој. Не знае дека тоа ние од дома си го носиме. Руско пакетче.

„Човекот кој не може да умре“ е насловот на ова визуелно импресивно видео во кое Здравко Багаш го сумира своето сјебано детство и сјебан живот. Црногорецот умирал повеќе пати и никогаш тоа не го болело. Болело кога се враќал.

Имаме малку поделени чувства околу проектов бидејќи ги има сите предзнаци на хипстерај, ама воодушевува колку добро е направен. ВХС пакувања на нови филмови, истрошени ВХС пакувања, како најновиот Лудиот Макс да поминал низ рацете на секој можен член на Милтон, или Her со месеци да бледее на излогот на 4-ка. И тоа е првиот дел од проектот, вториот е и самиот филм да го врати од која и да е дигитална технологија во ВХС квалитет.

Фејсбук те почитува како човек, а му се допаѓаш и како карактер, ама многу повеќе те сака како некој на кој ќе му покаже бескрајна парада од реклами проткаена со по некој статус од пријателите. Ова со рекламите му е главен бизнис на Фејсбук и тоа го прави многу профи и педантно. За да не испадне дека ти вади муабети со рекламата за Цијалис, Фејсбук има цела листа на твои избори по кои одлучува што ќе ти пушти на ѕид. Листата ја има и кај тебе во профил.

Детска радост е кога од цела патека за возење ќе го слупаш камионот низ куќа, а кога ќе се свртиш никој од големите не ти вика ни збор. Да, девојчето го вози камионот преку далечинско. И овој пат како и со сите вакви успешни правења на мега мераци на деца, останува несоборливата дилема - оди после дома кажи и дека мора да го изеде целиот грашок или дека треба да си легне.

Сакаш праќање пораки преку џебен компјутер? Сакаш гео-лоцирање во живо? Сакаш Нест термостатот? Сакаш синхронизирање списоци, интернет телевизија (во смисла Нетфликс, Амазон прајм видео, Хулу, Року...), гласовни команди. Што сакаш, тоа. Имај предвид дека 1999-та е годината кога излегуваат Ериксон Т-28 и Нокиа 7110 и 8210.

Како да направиш жица / јаже / гајтан од пластично шише? Земаш пластично шише, фрлаш се што не е жица и ти останува жица! Лесно е, ама не толку. Еве ја целата постапка во едно видео, со демонстрација на крајниот производ.

Не треба да сте фан, не треба ни да сте ги гледале филмовите, треба само да го изгледате клипов. На сите милиони дадени за снимање на филмовите, ова веројатно се најдобрите 8 секунди од целата франшиза, а не се ни дел од филмот.