Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Ај, ноне!

Ни доаѓа да се запалиме колку сме глупи кога гледаме вакви трикови и кога не знаеме ни од кај да почнеме да мозгаме како оди тоа.

Кај сме ние, кај е Холандија

Не сме сигурни дали на ова денес повеќе ќе завидува еден нормален македонски граѓанин, или еден нормален македонски полицаец. Видео од официјалниот канал на полицијата од Ротердам: патрола добива пријава за полесна сообраќајка во која има и дечиња. Брзата помош е повикана, стигнуваат и тие и - трк во гепек!

Државничка фотографија на денот

Претседателите на Туркменистан и Белорусија, Бердимухамедов и Лукашенко, полеваат тазе засадено дрвце. Сè е то фино, симболиката на заедничкото полевање е јасна, само што....

Како да заштедите 30% струја по еркондишн?

Какво време дојде, повеќе струја да трошиме летно време отколку зимско. Климатизерите сркаат бесно затоа што претопол македонски воздух треба да оладат на поднослива скандинавска температура. Но. зошто воздухот да биде претопол? Ова се инсталира за 5 минути и обезбедува заштеда на електрична енергија од 20 до 40 проценти. Само што, не е баш џабе.

Генијален начин за спас на пчелите

Ајнштајн своевремено предупреди: "Ако планетата ги изгуби пчелите, луѓето ќе изумрат во следните 4 години". А натаму оди работата, главно заради  уништувачкиот ефект на паразитот Вароа против кој човекот досега неуспешно проба разни хемикалии и киселини. Но, се чини, сме му доакале на гадот, на прилично чист и елегантен начин: да му направиме потопло отколку што му е ќеиф.

Аланис со нов текст на "Ironic"

Ќе дочекаме ли ние нешто од типот "Само тага ми остави и едно теле од Слатино" или "Ја имам срце за три стентови"? Аланис Морисет пее апдејтирани стихови на нејзиниот хит од 1995 година.

У пизду матер, ми се падна Трендо!

Ќе ви соопштам една страшна вест за Македонија која на долг рок може рапидно да го зголеми и онака загрижувачкиот одлив на млади луѓе од земјава (феномен нагалено познат како 'бреин дреин', иако мене тој термин повеќе ме асоцира на атентатот врз Киро).

Не барај љубовни совети од техничка поддршка

Легендата вели дека сосема нормална девојка со секојдневни проблеми од типот љубов и тазе маж кој не ги исполнува очекувањата, решила да им ги довери на дечки од техничка поддршка, на нивен јазик. Се разбира, ѝ одговориле на истиот јазик.

Разликата меѓу произведено во Кина и произведено во Германија

Првиот лагер е кинескиот, вториот што го тестира е германски. Кинескиот чини една триестина од цената на германскиот. Нормално секогаш постои можност првиот да е подмачкан, а вториот не, а постои можност и дека стварно е до квалитетот.

Реакциите за новото лого на Инстаграм

На некои автоматски им се направи апдејт, некои слушнаа муабети па направија апдејт, ама на сите не им се верува и не можат да се помират со тоа што им се појави на мобилниот.

Зошто летањето со авион е скапо?

Ако ферски ги поделат трошоците за гориво, патниците на еден лет од Њујорк  до Вашингтон би требало да платат само по 2,50 долари од човек. Зошто тогаш авионските карти се онолку изгор?

10 години од најлегендарното интервју на BBC

Човеков пред едно 10 години оди на интервју за работа. Во чекалната доаѓа девојкава и го вика Гај на интервју. Интервјуто започнува и на Гај му станува јасно дека е погрешниот Гај и дека интервјуто оди живо на вести. Не само што се снаоѓа, туку го предвидува начинот на кој ќе се слуша музика деновиве. Гај Гома, легендата на БиБиСи.

Кој го пушти, тој да си го собере

За повеќето бродови, проблемите завршуваат кога ќе се сместат во пристаниште и им останува само уште да го пуштат сидрото. Не и за овој брод.

Капетаните на Европа

На Холивуд му е лесно да направи блокбастер од лик каков што е Капетан Америка. Но како би изгледала таа филмска франшиза во Европа?

Животот е поза

Некое младо манекенче (се вика Филип Димитриевиќ) успева да направи 25 пози за фотографирање за само 29 секунди. Застанува пред тебе и имаш чувство дека листаш каталог. Ако вака вежба на сец и додека оди во веце, јадна таа бешика.

Брак, најубавата работа што може да му се случи на човек

Целата работа од машка перспектива. На кратко, за тие што не се во брак и не знаат, едноставно треба да се подготват за живот исполнет со благослови, мераци, спокој и се што некогаш замислиле. Просто криво да ти е ако уште не си правел свадба.

Доволно е еден да зезне

Видео приказ на ситуацијата кога сме заглавени во сообраќај и не ни е јасно како е можно да заглавиме на отворен правец.

Брилијантниот Џон Оливер за звучните научни студии

Дури и угледниот Тајм имаше статија со наслов: "Смрдливите прдежи можат да спречат рак". Во студијата за која зборуваат не е ни приближно така, ама, насловот си бара атрактивност. Иако редакција подоцна прецизира и ја поправа грешката, уште долго време добиваат покани во емисии да зборуваат за прдежи. Ова е само мало парче од најдобрите 20 минути кои со кои можете да се почастите за да ја расчистите медиумската магла околу науката и срањето што некогаш се пакува како наука.

Кај сте, скинхеди?

Филхармонија, во полн состав, ја изведуваат Мамбо, од Бершнтајн (West Side Story). Ама, за сите пари! И да имало скинхеди, веројатно чучат уплашени по вецеата. Трк да ѕирнете како изгледа и звучи вистинска распаљотка.

Двоножни пријатели

Краткото филмче "Подарок" за кученцето инвалид има учествувано на преку 180 фестивали, има собрано 59 награди а авторот добил покана за работа во студијата за анимација на Дизни. Ќе го погледнете, ќе ви се бендиса и на крај ќе речете: Биваше ли бе ваков наслов да ставите?

Како да познаеш Балканци околу себе?

"Ако наидете на гласно смеење и го слушнете зборот 'политика', тие сме. Ние сакаме да пиеме ракија и да зборуваме за политика. Кога ќе се согласиме дека нашите влади не вредат за кавга, продолжуваме само со ракија".

Како се враќа белата во билијар?

Видео анализа на тоа како функционира масата за билијар; жетоните, важноста на матинелите, зошто топките паѓаат дури откако ќе ја пуштиш рачката па сè до интригантното прашање од насловот.

Остарени брејкденсери

Стварно, како изгледа брејкденсер кога ќе остари? Тоа е темата на ова видео во кое се најдени учесниците на едно брејкденс шоу одржано во 1986 во тогашниот Советски Сојуз. Денес на свои 40 и 50 години живот. Старките уште мрдаат.

Не барај предлози од интернетчии

Девојка со електрична гитара во рака и исламска шамија на глава, на интернет побарала предлози за името на нејзиниот бенд. Ох, колку погрешно!