Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Животот на Смртта

Старински, тоест рачно анимирана приказна за Смртта која се вљубува во Животот. А како што знаете од песните, сите љубови се тажни.

Работи што не влегоа во Дедпул

Алтернативни сцени, реплики, блупери и слични моменти што не се квалификуваа во конечната верзија на филмот, ама завршија во ДВД изданието.

Девојката со дух и Ченинг Тејтум

Карли Флешман е аутистична и не комуницира вербално, што значи дека претежно овие работи ги врши преку куцање и пишување, односно преку таблет. Карли седнува на интервју со Тејтум.

Стриптизерска жетва

Работа ко работа, стануваш во 5 поладне, гледаш да завршиш што имаш работа и во 22 да се нацрташ во стриптиз клуб, па таму скоро до сабајле на шипка. Пред одење дома, обавезно броење пари и по некое селфи со прометот од твојата смена.

'Слободарската' на Едо и Култур Шок

Едо Маајка и Џино од Култур Шок деновиве објавија една современа првомајска корачница под име "Слобода" со еден моќен текст од кој се подголтнува горчина кога ќе резимира човек "што мислевме, што излезе." Бујрум народе на мало шамарање - џабе.

Мајлс Дејвис за Принц

Мајлс Дејвис: "Принц е Џемс Браун, Марвин Геј, Џими Хендрикс и Чарли Чаплин - заедно". А има и бонус.

Најдобро е да си глуп и убав

- Како би сакале да умрете?
- Со пиво во рака. Смртта да ми пријде на шанк и да ми каже "Тоа, лаву!"

Сè е во нејзини раце

Порт Хурон, Сад, 1855 година. Малиот Томас Алва Едисон на мајка си ѝ предава писмо кое му го дале на школо. Таа го отвора и чита: "Вашиот син е гениј. Нашето училиште е премало за него а нашите учители не се доволно добри да го научат нешто. Ве молиме, сторете го вие тоа."  23 години подоцна, Едисон го наоѓа писмото.

Сељаците знаеле што прават

Уво не се чепка со стапче за уво, туку со мал прст - Др. Оз. Не баш со овие зборови, ама тоа е поентата (има објаснување и не пробува ништо да ти шитне).

А ова си ти во споредба со професионален спортист

Како би изледало кога изливите на гнев од твоите спортски расправии со телевизорот би се префрлиле од пред екран директно на терен. Не е за верување колку се станати ѕверови спортистиве.

Човекот против Земјата

Ако вкупното постоење на планетава се собере на еден ден (24 часа), тогаш вкупното време што човештвото го минало на планетава изнесува околу 3,5 секунди. Ај да видиме што сè имаме забрљано за овој период.

Северна Кореја вежба воена авијација

Се што треба да знаете пред почеток е дека ова е автентично видео, објавено од северно корејските медиуми, од обука на воената авијација на земјата. По видеово веќе ништо нема да биде исто.

За бубачките што 17 години беа под земја

Инсективе (Cicada) еднаш во 17 години излегуваат од под земја, живеат меѓу две и шест седмици на површина и умираат. За да не си губат време за глупости, Џон Оливер им направи мини апдејт за тоа што го пропуштиле овие 17 години. Последен пат беа излезени во 1999-та.

Дрон рибарење од плажа

Оние од Викед Туна да го гледаат видеово има со сидро по глава да се маваат додека им држат раце. Што е фората? Момциве земале дрон, закачиле јадица на него (веројатно е малку покомплицирано од закачување) и го летаат дронот над море барајќи јата со туна. Кај што ќе најдат ја пуштаат јадицата, а тој од плажа врти ко блесав на трската.

Жената што ѝ е работа да гледа порно

Бугарка е од Софија, се вика Силвија Николова и секој ден цело работно време гледа порно барајќи пиратски клипови од филмови на нејзините клиенти. Како што сама кажува "веќе почнав да ги познавам продукциите според снимката, флеката на каучот или пукнатината на ѕидот." До сега има тргнато од интернет милиони пиратски клипови.

И мајмун да си, па не ти е сеедно кога те прават мајмун

Два мајмуни во оделни кафези, треба да завршат некоја работа за која добиваат надомест во форма на сецкана краставица. Одеднаш работите се менуваат и едниот за награда добива зрна грозје, кои се далеку повредни во нивниот систем на вредности.

Пример како треба да изгледа секое интервју

Еден водител, еден или двајца гости. Зборуваат за што и да е темата, ама има само 5 или 6 прашања. Пред секое прашање сите јадат по едно пилешко крилце. Секој пат со повеќекратно полут сос од претходно. До крај, на никој не му е ни паметот во лажење, само гледа да преживее.

Како да се отвори лименка која била тресена?

Се потепавме од прскање и потурање, а толку било лесно! Прескокнете го делот со бебешките цуцли, одма на 2:10.

Незапри дожду

Грегори Портер можеби го знаете, беше во Скопје на ланскиот џез. Принц го знаете, никогаш нема да дојде во Скопје. Е па, Purple Rain.

Жан Мишел Жар и Едвард Сноуден

Жан Мишел Жар и Едвард Сноуден? Да, Жан Мишел Жар и Едвард Сноуден.

Биди маж, опцуј ја во лице

Група навивачи од најразлични спортови собрани да им читаат навредливи твитови на две американски спортски коментаторки. Навивачите не се автори на твитовите, само ги читаат. Коментаторките веќе ги имаат прочитано твитовите за себе, навивачите не.

Како стварно изгледа да се бориш за ИСИС

Вајс њуз добива снимка од монтираната камера на еден од борците на ИСИС кој во март 2016-та загинува во борба со Пешмерга силите во северен Ирак. Битката е на околу 50 километри северно од Мосул. За разлика од ИСИС пропагандата кој се труди борците да ги претстави како копија на германската дисциплина, снимката ги покажува нередот и забуната карактеристични за вакви организации. Видеото вчера е објавено.

Кој се изгорел од бурек, и од пица ќе дува

Многу глуп ни е насловот ама ни е некако дражесен. Се работи за едноставен а генијален изум, ембедиран во картонска амбалажа за пица. Колку да ве потсетиме дека овој свет знае да биде и прекрасен.