Мајчини, нашле начин да префрлат цел градски блок за да направат место за нов урбан проект. Го направиле тоа со армија од стотици роботизирани „нозе“ благодарејќи на кои спасиле историски вредни објекти. 432 такви, малку по малку, со ситни чекори, го префрлале блокот по десет метри на ден. Следен чекор ќе им биде да го научат блокот да игра „пајдушко“.

Бразилскиот претседател ја раскринкува приказната на Трамп дека воведува тарифи за оние земји кои ги користеле и злоупотребувале САД заради што тие заглавивле во трговски дефицит. За 15 години, Бразил e оној кој има трговски дефицит со САД, и тоа од 15 милијарди долари. А за дигнитетот нема преговарање, му порачува на Трамп, Луиз Инасио Лула да Силва. Ако може со добро, може, ако не, реципроцитет.  

До пред некоја деценија важеше правилото, кога ти се пие вода - напиј се вода. Ама недоволно беше тоа, па почаа со правила за минимум 6, 8, 10 чаши дневно. Денес носат шишенца вода кај и да тргнале, небаре ќе се исушат „до онде“. „Глупости“, вели доктор Адиел Тел Орен кој потсетува дека клеточната хидратација зависи од правилниот метаболизам а не од постојаното налевање. Башка, со опсесивното пиење вода ги збунувате бубрезите и ги разводнувате електролитите. 

За да го ублажат актуелниот анимозитет меѓу САД и Канада, туристичкиот совет на Квебек ја објави оваа реклама директно насочена кон Американците. Проаѓа многу добро по социјалните мрежи, особено меѓу Американците кои емотивно се разнежнија од идејата дека на планетава постои место  каде локален човек би ги гушнал. 

Откако го изгледа видеово за едно мало генијалче, родител се пожали: „Она моено, на три години уште верува дека кака чоколадо“. А малово ептен, ептен надарено. На 14 месеци веќе ги знае сите букви од азбуката и знае да множи (?), и не само што обожава планети, знае и од што се создадени.  Ќе знае како е да си оглупен дури кога ќе дојде време првпат да се заљуби. 

Американската политичарка и активистка, Стејси Абрамс, прецизно опишува образец по која една демократија постепено преминува во автократија. Во српскиот твитер свет во кој го најдовме видеото се уверени дека огромен дел од работата е завршена и дека се наоѓаат меѓу 9-от и 10-от чекор. Не дека ние не препознаваме некои од фазите од кај нас и тоа така темелно изведени што веќе не памтиме кој беше првиот кој тргна по тој пат.

Држави и економисти по светов не можат да се изначудат и доакаат врз основа на кои критериуми Доналд Трамп ги одредува трговските тарифи кои им ги наметнува на другите. Добар дел од нив се убедени дека има тука голем волунтаризам, согласно табиетот на Трамп. За да ги замолчи, тој до последен детал ја откри софистициранарата формула по која го казнува светот. Ах, каков шалабајзер.... 

На меѓународен конкурс победи проект на норвешкото студио Снохета и кинески партнери и импозантниот објект веќе е во изведба, на 147.000 квадратни метри, три сали со 2.000, 1.200 и 1.000 места, книжарници, галерии, мини кино-сали, простори за едукација... Проектот е спој на архитектонска драма и културна отвореност а најимпозантни се скалите кои ги спојуваат земјата и небото а се инспирани од кинеските лепези.

Дечкото ја претворил својата соба во комплетна реплика на купе од воз. Наместо џам ставил телевизор на кој му врти соодветна видео снимка. Не е само тоа, внимавал на сите можни елементи и детали, потребни да мисли дека е на пат па може малку и да попие. А ако претера (а ќе претера), може да го скроти погледот и да прилегне. Наш дечко на тие години не ни знае како изгледа купе. 

Пазете, со даночни пари била финансирана конференција на тема „Родова еднаквост во математичката студија на комутативната алгебра“. Молам? Дале грант и за темата: „Жени и нон-бајнари математичари“. Или пак најјакото: „#ТрансцендентноЗдравје – Адаптирање на ЛГБТ+ инклузивна програма за превенција на тинејџерска бременост кај трансродови момчиња“. Па, браво.

„Епстин требаше да биде магионичар за да се обеси во таа ќелија,“ сведочи гангстер кој добро ја познава ќелијата во која сконча Епстин. На таванот немало ништо за да закачиш а креветот e низок. Како човек се обесува во таков простор? Но, како што велеумно кажа Алексеј Дума за „смртта во кофата“, човекот или се убил или се самоубил. Пошто трето нема, па јебо рак рака.

Соговорник на Такер Карлсон зборува за нешто за кое македонската јавност над 20 години го претпоставува за оние кои во 2001-ва ја нападнаа Македонија од Косово за овде да разгорат војна која заврши со Охридскиот договор, менување на уставот и легализирање на нивната политичка дивоградба - дека не беа сами. Ги имаат обучувано елитните американски Делта форс. 

Илјадници години човекот јаде некаков леб (пченка, пченица, наут, хељда, што и да е), ама баш последниве години време настана епидемија од луѓе кои се нетолерантни на глутен. Дали тоа човековиот организам неочекувано потклекнал пред толку позната храна, после толку време совршен соживот со неа, или пак, можеби, денешниот леб баш и не е леб?

Кај нас адвертајзингот го допира своето креативно и продукциско дно откако го презедоа „контент креатори“ па на социјалните мрежи трујат видевца на ниво на рекламни пораки на Радио Шабац, со едно резил аматерско глуматање и драматургија како во најлошите години на Македонски народни приказни. Идеја, луцидност, саспенс, хумор, пресврт, закуцување со јебитачен слоган: ну-ла! Азија скроз поинаку, не знаеш на каде ќе ја отераат приказната.

„Газа: Нападнати доктори“е документарец кој го нарача BBC но после неколку одложувања, дефинитивно реши да не го емитува, со објаснување дека дошле до заклучок дека може да се создаде перцепција за пристрасност. Продуцентите од Basement Films, одговорија дека вистината мора да се каже но дека тоа очигледно не е можно под сегашното раководство на радиодифузерот. 

Засега се регистрирани 82 загинати лица од поплавите во Тексас, најмногу во регионот Тексас Хил. Меѓу настраданите има 26 деца. Едно од најнастраданите места е еден стар христијански камп за девојчиња. Гувернерот на Тексас објави дека се трага уште по 40-тина лица. Тајм-лапс снимка покажува како тоа водата брзо надоаѓа и после „на своју вољу, ризик јак, мила душа...“

Кина започна со соларни инсталации на планините Гинжу во 2015 година. До 2023 година произведуваа 15 милиони киловати. Годинава започнуваат со нов „Соларен парк“ со 94MW а планираат уште една фарма со 100MW. Да видите како тоа сега изгледа. А викаа дека соларната енергија е еко-френдли. Само ако не си животно, бубачка или билка во Гинжу.

Дедо Фаустино е италијанска верзија на маченикот со погана уста од околината на Лесковац кого го обожаваме (ако неодамна имате паднато од Марс: Да ве запознаеме со Драги Црни). И двајцата се со краток фитил, и двајцата си патат од својот подмладок, и на двајцата главна одбрана им се сочните пцовки. Ако за Драги најдрагоцена работа на светот е нафтата, за Фаустино тоа е пршутата. А внук му го знае тоа.

1975 година. Горан Бреговиќ добива понуда која не може/не смее да ја одбие. Со Бијело дугме да снимат песна за Денот на младоста. Но, Жељко Бебек нешто се разболува па по негова препорака, го менува Оливер Драгојевиќ. Песната се вика „Младости, хвала ти за радости,“ ја има напишано Зринко Тутиќ. „Сакаш ил нејќеш, еднаш ќе пораснеш“, гласи еден стих-спојлер од песната.

Керолајн Левит од Белата куќа, одговарајќи на новинарско прашање поврзано со Газа, вика дека тие не ги земаат информаците од Хамас здраво за готово туку сакаат да ги проверат. За разлика од BBC и нивните драматични наслови кои подоцна испажаат „пу, пу, не важи“ па самите ги симнуваат со објаснување дека не нашле никакви докази за нв. 

Тинејџерка решава да ги праша своите татко и мајка за која особина што таа ја има од другиот родител им е криво. Таткото ја закопа одговарајќи ѝ дека не му се свиѓа тоа што многу зборува, ко мајка ѝ. Но, допрва следува главното закопување, и за малата а особено за таткото, бидејќи на ред за одговарање на истото прашање доаѓа мајката.    

Во Кина го отвориле првиот турнир во мал фудбал на светот за роботи водени од вештачка интелигенција. Многу забавно за гледање иако се невидени трупови, на ниво на дечиња од 3-4-5 години или на ниво на возрасни луѓе после некоја Ракијада. Само што, тие немаат друга работа освен да учат и да напредуваат, додека нивните фудбалски колеги од крв и месо ќе се дефокусираат со пари и спонзоруши. Се гледаме за некоја година.

Пошто имаат иста рaбота, Мехди Хасан и Пирс Морган често се имаат соочувано и дебатирано. Знаат и да се сложат еден со друг. Ама кога Пирс Морган ќе реши апла да ја држи страната на Израел, тешко му оди да убеди некого во својата принципиелност. - Зошто толку го браниш Израел? - Затоа што се наш сојузник. - Значи некој смее да убива цивили затоа што е наш сојузник? Тонч.

Се вика Наташа Пирц Мусар и доби пленарни аплаузи на нејзиниот говор пред пратениците на Европскиот парламент. „Она на што сведочиме во Газа е геноцид а ние молчиме,“ кажа таа во обраќањето, обвинувајќи ја Европската унија за пасивност и неединство во одговорот на кризата во појасот Газа.