Епл влегува на пазарот во Малезија, со отворање на својот прв дуќан во Куала Лумпур, во новиот ТРХ трговски и бизнис центар. Самсунг кој ја смета Малезија за дома, решава комплетно да ја закупи метро станицата во близина на ТРХ, плус да ги купи правата на нејзиното име.

Твитер имале три големи серверски фарми. Главните инженери му објасниле дека таква инфраструктура е неопходна заради бекап и непречено одвивање на сервисот. Илон Маск им вика да угасат две. Му викаат не може тоа за помалку од 6 месеци. Им вика, може за 6 недели. Го фаќа инат и им го спушта рокот на 6 дена.  Нешто подоцна, не само што ги отпушта туку самиот оди и ги сече каблите.

Приказна за грандиозното реновирање на Париз кое го извлече градот од средниот век и го направи онаков каков што е денес (или каков што сакаме да го замислуваме). Во некоја свилена демократија тешко дека би билo можно да се изведе таков потфат. Овде имате еден Наполеон, тој бира еден Осман и тргнуваат да рушат 20.000 згради и којзнае колку улици. Ама? Нема ама.

Ако го следите човекот редовно (а ние пишуваме за него шест години), веројатно споделуваме чувство дека малку премногу го има и дека е влезен во она медиумско тркало кое од луѓето бара да се прознесуваат за сешто. На пример, Илон Маск му се пожали на стара повреда на грбот и рамото. Наместо „виде ли тоа со лекар?,“ Џордан веднаш му препорача корнивор диета (да се бута само месо). На жена му ѝ помогнало. 

За разлика од времето кога „спортот“ се појави по руски вашари и слични собиранки, сега шамарањето стана дел од УФЦ викендите, под закрила на истата компанија, и доби целосен апгрејд што следува со таа професионализација.

Снимкава е од Британија и е прилично вознемирувачка, а тоа затоа што народот уште не е помирен со кражбите. За разлика од нив, во делови од Калифорнија локалците масовно почнаа да оставаат отворени прозори на автомобилите, бидејќи секако ќе бидат ограбени, ама барем па нема да имаат ваква штета и трауматични призори.

Дечкото се чуди што градови во Европа се бунат против туристите па ги мава со реалност: помирете се со тоа дека сте Дизниленд и ништо повеќе. Вашите економии стагнираат, додека Кинезите прават соларни панели, вие не правите ништо освен што ја проституирате својата историја и продавате сушено месо. Вашите градови се музеи, вие сте кукли. И на туристите треба да им кажете фала.

Холандија конечно цилизациски стигнува до нашата идеја па сè почесто станува офф. Луѓе се собираат во поп ап кафиќи, цркви, каде и да е, битно да се без мобилни телефони за да можат да разговараат, размислуваат, читаат, цртаат, везат, плетат.... сè што ќе им текне само за да си го смират животот на нормално темпо и да не зјапаат во екран за бескрајно да скролаат.

Во двочасовен разговор со Џордан Петерсон, Илон Маск проговори за шокантните и трагични случувања во неговото семејство, поточно син му Ксавиер кој бил убеден дека проблемите му доаѓаат од родова дисфорија а татко му, Илон, бил измамен да потпише да му се даваат блокатори за пубертет, верувајќи дека така го спасуваат од идејата за самоубиство.

Кога се појави на големата сцена, многумина беа пријатно изненадени од CV-то на Камала Харис во кое имаше некои импресивни ставки. Подоцна се дозна дека некои од тие ставки и не биле баш такви какви што беа прикажани. А потоа жената отвори уста. За на крај да го слушнеме и нејзиното вонсериски непријатно смеење, смеење од кое и градите на Карлеуша се поприродни.

Можеби денес сме сметководители, банкари, државни службеници, но на негов концерт ние сме браќа и сестри, ние сме активисти, ние сме политички бунтовници. Морело е врвен музичар, уште подобар забавувач, но најдобар е како трговец. Тој ни продава илузија а ние ја купуваме. Ок е тоа, и од него и од нас.

ВИ не е кратенка од Витон Игорче (непризнат внук на Луи Витон) туку од вештачка интелигенција. Добро, уште малку се познава дека е фејк, ама, уште малку. За неколку години деца со чудење ќе ве прашуваат, што, во ваше време се познаваше што е реално а што е дип фејк?

Според традицијата, со првата сесија на нов француски парламент заседава најстариот новоизбран пратеник а му асистира најмладиот. Во случајов тоа беше 22 годишниот Флавијан Терме од партијата на Марин Ле Пен кому никој од колегите и колешките не му пружи рака, еден му изигра лист-камен-ножички а Себастијан Делогу, алжирски мигрант од Марсеј, дури и заканувачки го зазјапа, како пијан цреп во селска дискотека.

Без разлика што мислите за руската политика, Путин, Кремљ, ќе признаете дека нивниот шеф на дипломатијата, Сергеј Лавров, е еден од најавторитетните светски дипломати на сите времиња. Сериозност, префинети манири, прецизен вокабулар. Нешто ко Срѓан Керим, ама со содржина. А кога треба, неодбранлив сарказам. Како кога го прашаа за некаква експропријација на земјиште во Јужна Африка.

48 годишната Женевјев Коте го запрепасти жирито на 'Британија има талент' со својата магична точка во која прикажа цел регистер гласови од природата, од океански бранови до секакви животни, а и „човечкиот“ глас ѝ е моќен и убедлив. Жената може сама да синхронизира природо-научни епизоди на НатГео и Дискавери. Нереално е колку е реално. 

„Допрва ќе се гледаме во Брисел, со мене нема да ти биде лесно “ ѝ порача полската европратеничка Ева Зајачковска на Урсула фон дер Лајен, откако оваа обезбеди втор мандат на чело на ЕК. Зајачковска се смета за конзервативен либерал и оценува дека вториот мандат за Урсула е најава за дополнително урнисување на ЕУ. Тоа го пиша после изборот, да чуете што сè и плесна в лице на седницата!

Кога последен пат се возевме со скопско такси, таксистот ни се жалеше дека цената е ниска и дека во Лондон, само за добар ден плаќаш пет фунти. Ама затоа истиот таксист, на секое застанување на семафор, се фаќаше за мобилен и играше вочкице. И додека кај нас една од последните иновации е пуштање „титка“, Кинезите отишле малку подалеку.

Џо Бајден, јули, 2021: „Ако сте вакцинирани... имате преку 98% шанси НИКОГАШ да не закачите коронавирус“. Џо Бајден во јули 2024-та ТРЕТПАТ фаќа ковид. За неговите медиумски трабанти, ова е слично на атентатот на Трамп, па ако Бајден се опорави од ковидот на овие години, и тоа е доказ за неговата сила и божји знак дека треба да биде претседател.

Митинг на Трамп во Милвоки после преживеаниот атентат. За да покажат солидарност со лидерот, најверните фанови си ставаат газа на увото. Да, како да е епизода на Саут парк. Имате право да се исмевате, само ако не сте од оние кои за да покажат солидарност, за сенешто менуваат профилни слики на Фејсбук. Пошто и тоа е подеднакво патетично.

Градоначалничката на Парис, Ен Хидалго, ги исполни ветувањето дека до Олимписките игри ќе успеее да ја исчисти и да ја направи безбедна за капење реката Сена која долги години беше гадотија. Стотина години во неа никој нормален се нема бањато. На девет дена до Игрите, Хидалго се брцна во реката за да демонстрира дека е чиста. 

Викендов 20-годишен дечко со пушка во рака се качи на кров од објект на нешто повеќе од 130 метри од местото на кое Трамп држеше говор и истрела куршум кој благодарејќи на милиметри не доведе до граѓанска војна во САД.

Меѓу оние јадници кои партии го довлекуваат со автобуси за митинзи, за сендвич или како веќе тоа оди, ќе најдете поербап луѓе со интегритет отколку меѓу овие млади, освестени и прогресивни про-палестински американски пацери кои се собрале за да дадат поддршка за каузата. Дечкото фати да ги прашува за што протестираат. Еден не најде да му одговори.

Повторно расте интересот за зелените кровови по една нова студија која покажа дека додавање вулканска пепел на нив ги стабилизира температурите, штити од троскот, ефикасно ја решава водата и не е потребно одржување. Со вложување во зелени кровови 10 милијарди долари, во САД би можеле да се создадат 190.000 работни места и да се покријат 4,5 милијарди квадратни метри кровен простор.

Ампутации и операции за спасување животи не се ексклузивни вештини на луѓето. Научници откриле дека еден вид мравки, кафеави од Флорида, се вистински мали хирурзи кои поседуваат медицинска интелигенција. Тие умеат селективно да ги третираат повредените екстремитети на колегите, им ги чистат раните а ако тоа не е доволно, им ги ампутираат оштетените делови за да им спасат жива глава.