Off Topic

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Брисел слушна за Мууукедонија

Белгиски медиум во целосна сопственост на фламанската влада се потегнал да сними репрезентативен прилог за Македонија, за оние илјада баталени грла добиток кои талкаат по општината и прават бељи а за кои градоначалникот вика дека би ги средил за 10 дена, само кога би му се дала надлежност. Истата оваа општина што не може да ги среди кравите има дадено 45.000 евра за Лепа Брена. 

Речните „капсули“ на Африка

Од избори до избори, на луѓето од јужноафриканското село Дикидини (општина Нтабанкулу, молим лепо) им се ветува дека ќе им се изгради мост за да можат да ја преминуваат реката Мзинлава. Пошто политичарите упорно ги лажат, луѓето ја минуваат реката така што стручни лица ги пикаат во пластични буриња (кај нас зелка што се става) и после ги навигираат. Ако клиентот заврши во океан, не плаќа.

Конечна српска победа над Клинтон

Кога Америка и НАТО ја бомбардираа Србија и особено нејзините мостови (а во Црна Гора осамна графитот: „Бомбардујте и нас, нијесмо ми шугави“) во едно село крај Јагодина се изроди неочекуван отпор на локалното население чии првоборци беа спремни да го бранат своето дрвено мовче до последниот промил алкохол во својата јуначка крв. 27 години подоцна- железно мовче!  

Вие како се враќате дома?

Кога после работа ќе заглавите во некоја скопска сообраќајна тромбоза, еве ви за екстра зорт: во Берн, Швајцарија, луѓе летно време од работа се враќаат дома по река. Алиштата ги ставаат во воодотпорни торби и се џиткаат во реката Ааре, препуштајќи ѝ да ги носи. Излегуваат кога ќе бидат најблиску до дома па ќе допешачат. Кај нас сите би излегле кајшто е најблиску до Кожно. 

Не можеш да си доволно параноичен со империи

Интервју на покоен Хуго Чавез, политичкиот претходник и ментор на заробениот Николас Мадуро. На новинарка ѝ објаснува дека САД ѝ се стрват на Венецуела и саакат да ја освојат, првенствено заради нафтата, која ја имаат повеќе и од Саудиска Арабија. Новинарката го прашува дали ваквит негови ставови се можеби параноични. КОјзнае дали и денес тоа би го мислела 

Стари добри скечеви

Британското The Sketch Show одеше неколку години на почетокот на 2.000-тите и беше познато по тоа што во него со рафална брзина се менуваа скечевите. На некои денови од снимањата ги пукале по стотина. Шоуто доби и Бафта награда а ова е еден краток и јебитачен, воркшоп сеанса на петмина кои имаат различни фобии. Уиграни максимално. 

10 години без Боуви, Принц, Коен, Есма

2016-та беше гадна година по разни основи. Кај нас тоа беше време на Пржински договори, аболиции, хистерии на корисните Шарени идиоти (подоцна преименувани како „шуто и рогато“)... Нејќеме ни да се потсеќаме на тоа (а нема ни да заборавиме). Тоа беше година во која заминаа Мохамед Али, Џин Вајлдер, Алан Рикман, Јохан Кројф, Харпер Ли... Но, посебен масакр доживеа музиката. На неа сакаме да се сеќаваме.

Кој би го глумел Мадуро на Нетфликс?

Моментално се наоѓа во озлогласениот затвор во Бруклин, со уште 1.300 штитеници (само да не го штитат како Епстин). Зад него е живописна кариера, спремна за филмска верзија (Американците уште така да му ги извадат парите). Бил шофер на градски автобус во Каракас, синдикален лидер, инспириран од идеи на Саи Баба и Маркс, има одбиено договор за Американската безбол лига. Најјако: фронтмен на рок групата Енигма.   

Нигерија раѓа повеќе од цела Европа

Нигерија во 2025 година донела 7,6 милиони новороденчиња. Европа сумарно - 6,3 милиони. Индија цвета со 25 милиони (секое шесто бебе на планетава е Индијче). Кина демографски се враќа со 8,7 милиони. Јапонија е во тежок спуст со само 750.000. Конго (4,6) ќе се освежи повеќе од САД (3,7). Африка има 8 земји во топ 30. Кога германските фабрики не ќе можат да се пополнат а Нигерија не ќе знае како да ги вработи своите млади, решението само ќе се наметне.  

„Терористи“ за повеќекратна употреба

Како Трамп се одважи да ја нападне Венецуела и да го грабне нејзиниот претседател топтан со жена му (да била и баба му, и таа ќе го папаше) без одобрение од Конгресот? Правиш картел кој го стишуваш откако ќе ја заврши првичната мисија, го оживуваш кога пак ќе ти затреба и го прогласуваш за терористичка организација. А терористи може да се бркаат и без благослов од Конгресот. Кога ќе дојде работата на суд, се откажуваш од терористичката етикета.   

Непанкерски албуми од панкерската 1977 година

Таа година се слави и памети по панкот кој детонираше во Лондон и Њујорк кога Секс Пистолс, Клеш и Стренглерс извадија деби албуми. Греота е 77-ма да се памети само по панкот пошто многу автентични автори си го тераа својот филм па добивме одлична и шарена музика. Од соулот и блузот на Били Витерс и Мади Вотерс, шизичките Шик, Боуви, Токинг Хедс, електрониката на Крафтверк, перфекционизмот на Стили Ден, гитарите на Телевижн....  

Што му ја прелелало чашата на Трамп?

Некој пеколен ракетен план на Мадуро со Русите или Кинезите? Некоја гигантска пратка фентанил со која сакал да зомбифицираат уште стотици илјади Американци? Ништо од тоа. Трамп бил особено фрустриран затоа што Николас Мадуро последните недели уште поинтензивно од обично се појавувал на телевизија, играл на музика и го провоцирал дека го чека. 

Така говореше Трамп

За 42 години, Американците срушиле или пробале да срушат 72 странски влади. Мат Таиби потсети дека онаму каде што успеале, често настапувала нестабилност, помалку демократија, опасност од граѓански војни. Тоа беше во ерата на Бајден. Се појави човек кој вети дека ако влезе во Белата куќа, ќе ја прекине политиката на „смена на режими“ и „изградба на нации“. 

Кога се раскитува елката?

Секоја година на седми јануари, во мојата куќа се раскитува елката. Бидејќи не сум верник, не ми беше многу гајле за тие обичаи. Ама денес малку размислував на таа тема. Зошто морам да ја раскитувам мојата елка на седми јануари? Зошто баш на седми јануари? Има да ја раскитувам кога јас сакам.

Овци на плоштад

Илјадници луѓе се собраа годинава на градскиот плоштад во Бирмингем, Англија за да ја испратат старата и дочекаат новата година со „спектакуларен огномет“ кој им бил најавуван од реклами креирани со вештачка интелигенција. Џабе полицијата ги убедевала дека никаков настан ни огномет не се најавени, овие си дошле „да одбројуваат“. Најјако е што истото ова им се случува втора година по ред.  

Не се секирајте, Германија е безбед....

Пред 10 години, над 1.000 жени низ Германија беа нападнати за време на новогодишните прослави. Само во Келн имало повеќе од 500 напади, 40 проценти биле сексуални, главно од мигранти. Деценија подоцна, германската стримерка @Kunshikitty со личен пример сакаше да покаже дека денес Келн е безбеден за жени, шетајќи во делови на градот полни со „мажишта“. Добро помина, само двапати ја зачукаа. 

Постојат херои ама лошо проаѓаат

Прописно облечен и блиндиран деминер од анти-терористичка единица претпазливо проверува сомнителен ранец на улица. На минувач му збоктисува бавниот ритуал па доаѓа сам до ранецот и фаќа да го отвора. Ништо, само алишта во него. Веднаш го срушија на земја. Метју Хјуз од Милвоки подоцна бил обвинет за нарушување на јавниот ред и попречување на службено лице. 

Мотивациона честитка на Мелони

Италијанската премиерка Џорџа Мелони баш знае да окуражи. Нас своите соработници во Палацо Киџи им заблагодари на соработката и им порача: „2025 година беше тешка за сите нас. Но, немојте да се секирате, следната 2026 ќе биде уште потешка. Затоа, убаво одморете за празниците.“
 

Ѕвездите на Стар Ворс

Mладиот свештеник Јозеф Мор кој го напиша текстот (1816) и органистот Франц Ксавер Грубер кој ја напиша музиката (две години подоцна) на веројатно најпознатата божиќна мелодија „Stille Nacht, heilige Nacht“, не ни сонувале дека меѓу стотиците нејзини препеви ќе се најде и изведба на Чубака. Да, Чубака. Соло. Не Хан Соло.

За фушерски и нашиве знаат

Ако ова е вистина, владите на Заев и Ковачевски добиваат озбилна конкуренција во неспособност. Нели објавија куп документи за Епстин. Нели луѓе се бунеа дека огромни делови од нив се зацрнети? Изгледа не го направиле тоа прописно, туку само удриле црна позадина на текстот (црно на црно). Што значи дека ако од пдф-и ги копираш зацрнетите делови, кога ќе ги пренесеш во друг документ, фино лепо читаш што „цензурирале“.

Загина човекот зад Call of Duty

Во сообраќајна несреќа на автопат во Л.А. загина креаторот на Call of Duty и Battlefield 6, Винс Зампела (55). Излета со Ферари од тунел, се слупа па се запали. Сопатник бил исфрлен од возилото при ударотт но подоцна им подлегнал на повредите. Зампела беше дизајнер и продуцент на видеоигри, еден од најлијателните луѓе во историјата на шутер- игрите.  

Како Викинзите се даунлодирале без да се испоразболат?

Конструкцијата на нивните бродови и личното ниво на хигиена ги спасувало од смртоносни заразни болештини кои десеткувале екипажи на далеку помодерни и поопремени бродови. А го освоиле Исланд, го колонизирале Гренланд и стигнале до Северна Америка пет века пред Колумбо. Енглези имале поплаки дека Викинзиве се бањаат секоја сабота. Како не се отруле од вода е лесно: пиеле пиво. 

Како пропадна интернетот?

Од кога интернетот всушност пропаѓа? Од пред неколку години, кога се случи плима на апокалиптични поиими, сите оние реијџбeитови, думскролови и бреинротови? Или пред една деценија, кога следејќи го Доналд Трамп почнавме да зборуваме за лажни вести? Или уште порано? Спојлер: интернетот пропаѓа откако знаеме за него.

Кога сите американски пари би се поделиле рамномерно

Илон Маск сам има 681 милијарда долари (па што, три пати ли ќе ќе руча?) а според американските федерални резерви, американските граѓани поседуваат вкупно 160,35 трилиони долари. По колку би добил секој човек ако сите тие пари подеднакво се распоредат? Секој по 471.465 долари а на двојка со две деца би им следувале 1,89 милиони. Не е лошо, ама, да ве потсетиме: парите се трошат, виното се пие... 

Машко се тестира во кафана

Жената потсетува на еден од најсигурните начини да проверите што мустра е некој што скоро сте го запознале. Одите во кафана за да видите дали знае да се однесува, да сипа пијачка, да остави бакшиш на музика и слично. Најголем аларм е ако се изживува на келнерите и оние кои го служат. Од таков се бега одма. Ако не ви го придржи капутчето, можеби е до вас. Ако е јули.   

Кисинџер: Што е шатл дипломатија?

Нобеловецот за мир (и злотвор) Хенри Кисинџер го има популаризирано терминот шатл - или посредничка - дипломатија, за време на Јом Кипурската војна во 1973 година. Тоа е метод во кој медијатор (обично високо рангиран дипломат) патува напред-назад помеѓу две или повеќе страни кои нејќат директно да преговараат па пренесува пораки и предлози. Анегдота (апокрифна) подобро го објаснува тоа.

Германија со севернокорејски шмек

Германското министерство за надворешни работи издало директива, во сите нивни амбасади во светот видливо да биде истакнат портрет со ликот на шефот на дипломатијата. За среќа, имаат новинари како Флоријан Варвег кој праша колку тоа кошта. За жал, политичарите сегде се исти па му кажаа дека не можат сега да му одговорат бидејќи „финансиската конструкција уште не е заокружена.“