И самата нишка е мал плус во депресивното секојдневие.
Роузмери Донахју, која во опис на работно место има digital wellness editor на Алур (уредник за дигитално здравје? Интересно.) им го поставува следното прашање на своите следачи:
what's the one thing that betrays the true status of your mental health even when you're managing to keep up appearances in all other areas of your life? for me, it's the amount of dishes in my sink
— Rosemary Donahue (@rosadona) February 22, 2019
Односно,
Која е таа една ствар што го издава вистинскиот статус на вашето ментално здравје, дури и кога успевате да го сокриете тоа на сите други полиња во животот? Мене ми е купот садови во мијалникот.
Прашањето очигледно мава во некој нерв, па се вклучуваат луѓе со одговори што можат да ви бидат многу познати:
- колку често нарачувам храна
- колку брза храна внесувам
- колку облека имам на кревет до која што спијам, наместо да ја здиплам и да ја тргнам
- опсесивно проверување на социјални мрежи
- валкани алишта. Кога сум добра, гледам да перам еднаш неделно, кога сум во депресија, се собираат купови
- непрочитани/неодговорени мејлови, куп неотворена пошта
Вакви еден куп. Со реакции од тип „И јааааас!” и слично.
Уште еден плус во дискусијата е потпрашањето на Донахју:
„Ај сега да кажете што ви помага да се справите со ова кога ви тежи премногу долго? Јас слушам музика на која можам да си пеам (сега ќе мијам садови). Ајде да си помогнеме со вештини за справување.”
На ова, луѓето почнуваат да одговараат со секакви ситни, едноставни, а сепак делотворни мали решенија:
- Заради ова не се јадам за картонски чинии, кога ќе почувствувам дека се ближи депресивна епизода; ќе изнакупам оброци за во микробранова, не купувам алкохол и спремам доволна количина чисти алишта затоа што перењето е обавезно проблем.
- Мене ми помага враќање на режимот за нега на кожа. За два-три дена веќе ми е подобро, и почнувам да средувам сè.
- Кога ми е тешко да се грижам за себе, се обидувам да следам препораки од терапевт на дневно ниво. Ако ми доаѓа премногу, се трудам тоа да биде барем еднаш неделно.
Најдете си финта за справување со лошо расположение. И ако видите некој друг што се гњави, кажете му ја.
