Нова канадска студија открива дека мозокот може да се подмлади до една деценија ако само се исклучи интернет на телефонот.
Во превод, да се мавнат од живеење на интернет.
Испитани биле 400 луѓе и од нив се побарало да симнат апликација што ќе им го ограничи пристапот до интернет. Апликацијата дозволувала да се користи телефонот за пораки и повици, но сѐ што барало интернет било привремено недостапно, вклучувајќи и социјални мрежи.
Две недели, учесниците кои главно биле на возраст од 32 години, користеле телефон без интернет. Биле поделени на две групи - првата ја користела апликацијата првите две недели, а втората користела интернет во тие недели, за потоа уште две недели да биде со апликацијата.
Времето поминато пред екран било речиси преполовено. Откако завршил периодот без интернет, од учесниците побарале да пополнат анкетно ливче за истражувачите да ја разберат нивната состојба. Неверојатното е што способноста за фокус им била еднаква на луѓе 10 години помлади. Деведесет проценти од учесниците пријавиле подобрена ментална состојба и задоволство.
Научниците велат:
„И покрај многуте придобивки на мобилниот интернет, намалување на постојаната поврзаност создава подобрувања во менталното здравје, општата состојба и објективно измерената способност да се задржи внимание. Дури и тие што не се придржувале комплетно на интервенцијата, пријавиле подобрувања, макар и поскромни.“
Наодите покажуваат дека постојаната поврзаност со онлајн светот доаѓа со своја цена, со оглед на тоа што психолошкото функционирање се подобрува кога ќе се дисконектираме.
