Често знаеја да ни кажат дека средношколските денови ни се најдобрите во животот, но веќе нема да можат да им го кажуваат тоа на новите деца - има еден куп литература што укажува на една „грпка“ кај среќата во однос на возраста и сизифовска борба да се дојде до неа.
Над 600 трудови го покажуваат ова - за разлика од порано, кога имаше пад во среќата кај средните години, сега падот е кај младите. Тие на средна возраст се далеку посреќни од нив. И промената почнува од 2017 година, во сите општества, од богати земји до земји во развој; на места богати со искуства и места каде што ништо не се случува - доказите покажуваат дека не ни е веќе „судбина“ да бидеме среќни тинејџери и старци, а лути во средината.
Научниците се возбудени затоа што никогаш не виделе вакви податоци - коефициентот на среќа да биде најнизок кај луѓето на прагот на возрасниот живот, особено кај младите жени, иако и кај младите мажи важи истиот тренд. Една во девет млади жени во Америка пријавуваат дека секој ден бил лош ден за ментално здравје. Кај мажите бројката е помала - еден во четиринаесет, но сепак е загрижувачка. Голем број млади бараат помош од психолози, хоспитализирани се за самоповредување, дури и имаат обиди за самоубиство.
Понудените одговори на прашањето околу овој феномен не се задоволителни - не е КОВИД, не е пазарот на труд најверојатно - она што им е на истражувачите математички потребно е тренд што почнал некаде во 2014, што е глобален и непрорпорционално ги опфаќа младите - особено жените.
Во моментов, во таа рамка се вклопуваат мобилните телефони, но никој не е задоволен од тоа објаснување.
