- Украинскиот претседател Володимир Зеленски изјави дека Киев не може да ја гарантира безбедноста на светските лидери кои ќе учествуваат на прославите по повод Денот на победата во Москва на 9 мај.
- „Ние не можеме да бидеме одговорни за она што се случува на територијата на Руската Федерација. Тие се одговорни за вашата безбедност, па затоа нема да даваме никакви гаранции,“ рече Зеленски иако Украина одамна напаѓа и влегува прилично длабоко во „територијата за која не одговара“.
- На заканите на Зеленски одговори Медведев кој рече дека ако Москва биде нападната за 9-ти мај, „не е сигурен дека Киев ќе го доживее 10-ти мај“.
- Зеленски го одби тридневното примирје понудено од Путин и рече дека е заинтересиран само за 30 дневно.
- Поранешниот украински министер за енергетика, кој е обвинет за злоупотреба на над 100 милиони долари од енергетскиот сектор, може да биде ослободен од притвор со кауција од околу 10 милиони долари.
- Херман Халушченко, кој важи за близок до претседателот Зеленски, беше приведен при обид да ја напушти Украина со воз, непосредно пред официјално да му биде предадено известувањето дека е осомничен во случајот со висока корупција „Мидас“ за злоупотреба на 112 милиони долари од енергетскиот сектор, испрани преку офшор структури, криптовалути и инвестиции во фонд регистриран на островот Ангила.
- На сметки на семејството на Халушченко во Швајцарија биле префрлени 7,4 милиони долари, плус уште 1,3 милиони швајцарски франци и 2,4 милиони евра во готово.
- Парите биле потрошени за образование на децата на Халушченко во престижни училишта во Швајцарија или биле депонирани на сметки на неговата поранешна сопруга.
- Во исто време, енергетскиот систем нема средства за поправка по руските бомбардирања и Украинците останаа без струја и греење во неовобичаено студената зима.
- Средната возраст на населението во Македонија е 42,21 година, додека во ЕУ е 44,9 години, покажуваат податоците на Еуростат за 2025 година.
- Во 2015 година средната возраст на луѓето во Македонија била 37,4 години. Зголемувањето на возраста за 4,8 години за само десет години е меѓу највисоките во Европа, односно повеќе од двојно од просекот во ЕУ од 2,1.
- Од членките на ЕУ, најбрзо стареат Словенија и Кипар, каде што средната возраст се зголемила за 4,0 години, Италија (3,9) и Грција и Полска (по 3,7).
- Зголемување на средната возраст на населението е забележана во сите земји од ЕУ, освен во Германија и во Малта (-0,4 години). Најмладо население има Ирска (39,6 години), а најстаро Италија (49,1 година).
- Од земјите во регионот помладо население од нас има само Црна Гора 40,4 години, а постаро Албанија (44,3), Србија (45,4) Хрватска и Словенија (45,5) и Грција и Бугарија (47,2 години).
