Вести › Набрзинка

Загреб: Учителката е стабилна, родителите бесни, полицијата ја чува куќата на таткото на убиецот

21 декември 2024

Учителката од училиштето во Загреб во кое психички пореметен 19 годишен дечко и со нож ѝ нанесе преку 30 убодни рани е во стабилна состојба и е симната од механичка вентилација. Свесна е и засега нема потреба од дополнителни операции. Се опоравуваат и ранетите деца.
Бесни не се само родителите на децата од школото во кое се случи нападот. Системот очигледно потфрлил, школото било без обезбедување. „Имаат пари да купуваат авиони, имаат пари за мито корупција, немаат да ги заштитат децата,“ коментираат родители.
Напаѓачот денес бил на операција на вратот заради убодна рана кога сакал да се самоубие. Го посетила министерката за здравство, Ирена Хрстиќ, но како лекарка, не како функционерка. Куќата на татко му ја чува полиција за да не дојде до обид за одмазда.

извор

Андоновски: Поштата наречена копнеж или за достапноста

10 ноември 2025

Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.

извор

Поразите носат кавги: Фрчкоски - Пендаровски

10 ноември 2025

Љубомир Фрчковски го обвини Стево Пендаровски, дека „мешетари внатре во СДСМ“. – Ме чуди тоа што мешетари Стево Пендаровски. Нема потреба од тоа. А мешетари без везе…, рекол Фрчкоски кај Васко Ефтов.
Пендаровски му одговори: „Никогаш не сум мешетарел, тоа го прават други кои се занимаваат со кафеанско озборување. Изјавата е целосно одлепена од реалноста и фактите, што, за жал, се случува поради ‘квалитетот’ на изворите со кои некои луѓе се дружат“, додаде Пендаровски.