- Веднаш по јулските протести против предлогот Ковачевски – Петков, попознат и како „француски предлог“, се случи итно пензионирање на генералот Методија Величковски, беше суспендиран врвниот македонски разузнавач Наќе Чулев и во МНР се поведе дисциплинска постапка за отказ на амбасадорот Зоран Дабиќ.
- За сите нив тројца е невиден успех пробивањето без звучно презиме, стари семејни врски или фамилијарни азна, без никакви моќни кумови, другари и роднини, а и без припадност на партии, препораки од општински комитети или залагања на општински организации. Сите нивни три биографии може слободно да влезат и во учебник за кариерно напредување во државната служба како урнек за постојано вложување во себе.
- Веќе е јасно дека чудовишната цел на архитектите на Преспанскиот договор и на „преговарачката рамка“ не запираат тука, туку одат далеку подлабоко во разградување на самите темели на современата македонска држава и во создавање нова „северномакедонска нација“. Пензионирањето на генералот Величковски, суспензијата за Наќе Чулев и дисциплинската постапка против амбасадорот Зоран Дабиќ се системски обид на одродената врхушка на власт за заплашување на сите војници, разузнавачи и дипломати, но и на сите припадници на професионалната државна служба.
- Поранешниот претседател на Харвард и некогашен секретар за финансии, Лери Самерс, поднесе оставка од академските и други обврски на универзитетот.
- Самерс поднесе оставка и како ко-директор на Центарот за бизнис Мосавар-Рахмани. Според портпаролот на Харвард, оставката е поднесена „во врска со тековното разгледување од страна на Универзитетот на документите поврзани со Џефри Епстин“.
- Нивните контакти биле особено интензивно кога Самерс беше прв човек на Харвард (2001 - 2006), но продолжиле и откако Епстин бше осуден за педофилија.
- Епстин за Харвард има донирано околу 9 милиони долари, а Самерс го има посетувано неговиот озлогласен остров и во најмалку четири наврати летано со неговиот приватен авион.
- Кубанска крајбрежна патрола спречила десант на група Кубанци од егзил, кои со глисер полн со оружје и експлозив впловиле во водите на островската земја. Во престрелката една милја од брегот биле убиени четворица од напаѓачите, а шестмина биле ранети. Приведен е мажот што требало да ги пречека.
- Министерството за внатрешни работи соопшти дека групата била составена од антивладини Кубанци, од кои некои претходно биле барани поради планирање напади. Тие носеле автоматски пушки со телескопски нишани, пиштоли, експлозиви и панцири. Глисерот бил регистриран во Флорида. По првичните сослушувања на притворените, тие имале намера да извршат „инфилтрација заради терористички цели“.
- Американскиот државен секретар Марко Рубио изјави дека инцидентот не е операција на американските сили и дека Вашингтон ќе спроведе независна истрага.
- САД пред неколку недели ги блокираа сите испораки на нафта до Куба, зголемувајќи го притисокот врз владата во Хавана, но и врз сите Кубанци. Градовите секојдневно спроведуваат рестрикции на струја, а ѓубрето се таложи по улици зашто нема бензин за камионите од комуналната хигиена.
